Markus 1:27 - Muna Southern Dialect

²⁷ Kosasawindo mie nopuli mentendo, sampe dopofee-feena ambado, “O ae gahaꞌa inia? Seꞌise kafoinaꞌu buꞌou. Pugauno noponoꞌao kuasa. Mahingga o seetani deangka ne pahintano.”

Markus 1:27 Iomraidhean Croise

Matius 15:31

Mie bhahi maitu tadomente dowoha bhea nopugau, kakempa noꞌosa, kalu nekala-kala, bhe kabunto nofowoha. Dadiꞌanomo kosasawindo dopudhimo Lahataꞌalando miendo Israel.

Matius 8:9

Kapaꞌamo idi ini bhe neangkaku dua maka nandoo dua tantara neowaku. Ane apugau ne seemie tantara, ‘Kala!’, lasao nokala. Pedamo dua apugau, ‘Mai!’ lasao nomai, bhahaꞌi apugau ne bhatuaku, ‘Kahadhaa aini!’, lasao nokahadhaaꞌe.”

Matius 9:33

Pada nofolimba seetani naꞌa, bhea aitu lasao nopande nopugau. Mie bhahi tadomente, ambado, “Kadhadhia pedando ini miinaꞌo daohoohaomua ne witeno Israel inia.”

Markus 1:26

Seetani nogegohao mie aitu maka nolimba bhe nopokakei-kei.

Markus 1:28

Pada aitu bhihitano ini nehimba sepaliꞌa nolele ne kosekaꞌewaꞌae kadieno Galilea.

Markus 10:24

Anaguhuꞌino domente dofetingke pugauno naꞌa. Tamaka Yesus nopugaumo toha ambano, “Anaꞌiku, noꞌali daanumo damesua Kafopahintaꞌano Lahataꞌala.

Markus 10:32

Yesus bhe anaguhuꞌino tangasano we laano sala dahumope we Yerusalem. Yesus nopaꞌindulu. Anaguhuꞌino domihiane lalondo, mie mangkafie doteꞌiane. Nosaliꞌimo toha anaguhuꞌino ompulu hoduano bhe nofohatoanda so netompaloino.

Markus 16:5

Nelaa dopesua weo liano kobuhu naꞌa, dowohamo seemie anaꞌi moꞌane nepake dhuba kapute, nengkoha-ngkoha humanda we suana. Andoa dokohedu sepaliꞌa.

Markus 16:6

Tamaka ambano mie naꞌa, “Koe moteꞌiomua! Apandeꞌaanemo ingka ondofiomu Yesus miendo Nasaret, tikantaino te sau salipu. Miinamo bhe Anoa ne ini, nowanumo! Ondoeꞌomu katifondoleꞌano ini!

Markus 7:37

Mie metingkeno tadomente bhe dotonto. Ambado, “Pahasili, ingka sabhaha giu nofekataaꞌie. O kapongke nofofetingkeda, o bhohe nofekapandeda dopugau.”

Lukas 4:36

Kosasawindo mie tadomente maka dopugau sapada-pada andoa ambado, “Pahasili pugauno maitua! Ingka nokokuasa mpuu sampe nepahintangi seetani dalumimba, lasao dua dolimba.”

Lukas 9:1

Palusi anaꞌa Yesus nosaliꞌimo anaguhuꞌino ompulu hoduano, nowaꞌanda kuasa bhe kapooli so daefolimbaꞌao seetani bhe so daefekaꞌosaꞌao sabhaha mie mosaki.

Tula-tulando rasulu 17:19

Pada anaꞌa doowaemo ne hompuꞌa te kabhawono Areopagus. Ambado, “Naembali bhahaa mohato kainsami kafoguhu buꞌou nehatoꞌaomu itu?