Markus 1:24 - Muna Southern Dialect

²⁴ “O Yesus miendo Nasaret, o ae patudhumu ne insaodi ini? Mai mobinasa kainsami gahaꞌa? Apandeꞌaangko, Hintu itu mie mongkilono katuduno Lahataꞌala.”

Markus 1:24 Iomraidhean Croise

Matius 2:23

Dohato we Galilea deatemo ne seꞌonu kota koneaꞌano Nasaret. Pedamo naꞌa nokoꞌulaꞌao bhoasaono Ompu nefosampendo ana-anabii mulaoꞌaono anaꞌi amaitu, “Anoa dakumonae miendo Nasaret.”

Matius 8:29

Andoa dopokakei-kei ambado, “Anano Lahataꞌala, mai mafaꞌi kainsami gahaꞌa? Patudhumu maimo modee-dee kainsami, mahingga paeꞌo nahumato tempono?”

Markus 1:23

Gahaꞌa weo lambu kasambaheaꞌa naꞌa tanonandoomo dua seemie nepesuakino seetani. O mie aitu nokeimo ambano,

Markus 1:25

Tamaka Yesus nohandapi seetani maitu ambano, “Koise mohobhoa, limbaꞌo toha maiꞌao ne mie aini!”

Markus 10:47

Sanofetingke lumalono maitu Yesus miendo Nasaret, nokeimo kabunto naꞌa ambano “Yesus, sampuꞌano Daud, mobhela kanau lalo!”

Markus 14:67

Sanowoha Petrus nehana, nofoti-fotindamo ulano maka nofeenae ambano, “Ingka hintu ini sadhia pobhai bhe Yesus, miendo Nasaret maitu?”

Markus 16:6

Tamaka ambano mie naꞌa, “Koe moteꞌiomua! Apandeꞌaanemo ingka ondofiomu Yesus miendo Nasaret, tikantaino te sau salipu. Miinamo bhe Anoa ne ini, nowanumo! Ondoeꞌomu katifondoleꞌano ini!

Markus 5:7

Mie aitu nokei nofekabhala-bhala, “Yesus Anano Lahataꞌala kokuasano! O ae patudhumu ne idi ini? Weo neano Lahataꞌala, koise fodee-dee kanau!”

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Lukas 24:19

Ambano Yesus, “O ae bhahaa?” Dotobhoosimo ambado, “Kadhadhiano Yesus miendo Nasaret. Anoa seemie anabii, pugauno bhe habuno nokokuasa weo pomatano Lahataꞌala bhe weo pomatano kosasawindo mie.

Lukas 4:34

“Haa hintu Yesus miendo Nasaret! O ae patudhumu ne insaodi ini, mai mobinasa kainsami gahaꞌa? Apandeꞌaangko hintu itu mie mongkilo maiꞌao ne Lahataꞌala.”

Lukas 8:28

Sanowoha Yesus nekei-keimo maka nosudhumo notaohao sombano bhe nopugau ampa kabhalano suahano, “O ae patudhumu ne idi ini, Yesus Anano Lahataꞌala foliuno kuasa? Aesalo mpuu koise fodee-dee kanaua.”

Lukas 8:37

Pada naꞌa kosasawindo mie ne kadieno Gerasa maitu desalo ne Yesus nakumalamo napikihunsaꞌao liwundo, kapaꞌamo doteꞌi sepaliꞌa. Dadiꞌanomo Yesus nosawimo ne bhangka maka dahumela dasumuli kundodo.

Yohanes 6:69

Insaodi taparasaeamo bhe tapandeꞌaanemo Hintumo mie mongkilo Katuduno Lahataꞌala.”

Tula-tulando rasulu 2:27

Kapaꞌamo alusuku pae humunsae weo dhuniando mie mate, mbadhano bhatuamu mongkilono pae nahumansurua.

Tula-tulando rasulu 24:5

Nentaleamo sepaliꞌa ne insaodi, mie aini tapedamo hopu. Ne amai onuno liwu te dhunia ini, nehabu kahunggando miendo Yahudi. Anoa ini seemie neangkando miendo sarani, kaseꞌise umalano.

Tula-tulando rasulu 3:14

Anoa mie mongkilo bhe melaano lalo, tamaka hintimiu mongaheꞌieꞌomu maka mesaloomu ne Pilatus namolapaangkoomu mie kapongko-pongkono.

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.

Yakobus 2:19

Ingka parasaeaꞌomu Lahataꞌala Kaseemie-mieꞌano. Nokesa itua. Tamaka rohi modaino doparasaea dua anaꞌa sampe noguguda kateꞌindo.

1 Yohanes 2:20

Tamaka hintimiu miina nada anaꞌa, ingka metahimamoomu Rohino Lahataꞌala maiꞌaono ne Kristus, dadiꞌanomo kosasawimiu losangiemoomu kabanara.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.