Markus 1:2 - Muna Southern Dialect

² Kafetompunaꞌino Bhihita Metaa ini peda tibuhino weo Kitabino anabii Yesaya peda aini, “⸤ Ambano Lahataꞌala⸥ ‘Anoamo ini katuduku, atudue namaꞌinduluangko, naebhongkaangko kaangkaꞌa.’

Markus 1:2 Iomraidhean Croise

Matius 11:10

Kapaꞌamo Yohanes ini nepulaoꞌaono wambano Kitabi peda aini, ⸤ Ambano Lahataꞌala⸥ ‘Anoamo ini katuduku, atudue namaꞌinduluangko, naebhongkaangko kaangkaꞌa te wisemu.’

Matius 2:5

Dotobhoosimo ambado, “We liwuno Betlehem, we kadieno Yudea, kapaꞌamo weo Kitabindo anabii notibuhi peda aini,

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Matius 26:31

Nopugaumo Yesus ne anaguhuꞌino ambano, “Alo aini naohungga kaparasaeamiu mbaꞌinomo Idi, sampe humunsa kanauꞌomu. Kapaꞌamo nandoo tibuhino weo Kitabino anabii, ‘Dhagano dhumba amongkoe, gulumano dhumbano datigasa.’

Lukas 1:70

Aini nopobutu bhe bhoasaono endefiꞌini, nefosampendo ana-anabii mongkilono.

Lukas 1:76

Hintu anaku dakumonako seemie anabiino Lahataꞌala Kokuasano, kapaꞌamo hintu maꞌinduluki Ompu mebhongkaane kaangkaꞌa,

Lukas 18:31

Pada anaꞌa Yesus nosaliꞌimo anaguhuꞌino ompulu hoduano maka nofohatoda ambano, “Aitu dokalaomu we Yerusalem. Ne naꞌa kosasawiꞌae nebuhindo ana-anabii mulaoꞌaono Anano Manusia - Idimo ini - nakoꞌulamo.