Lukas 9:52 - Muna Southern Dialect

⁵² Anoa nopakatumo katuduno dopaꞌindulukie. Katuduno maitu dokalamo dopesua ne seꞌonu liwundo miendo Samaria, daefotokaane sabhaha kafaraluuno.

Lukas 9:52 Iomraidhean Croise

Matius 10:5

Yesus notudumo anaguhuno ompulu hoduano naꞌa dakumala bhe nofohatoda ambano, “Koise angkafiomu kampuna humopeꞌano we liwundo mie suano Yahudi tawa mesuaꞌano weo kotando miendo Samaria.

Lukas 10:1

Palusi anaꞌa Ompu Yesus nepilimo anaguhuno sigaoꞌano dofitu fulu, maka notududa dahodua-hodua dakumala damaꞌindulu ne kota bhe liwu so kaangkaiꞌano.

Lukas 10:33

Kaowu noangkamo seemie Samaria nakokakalaꞌa, sanowoha mie aitu nobhelaane lalono.

Lukas 17:11

Weo kala-kalano nohope we Yerusalem, Yesus nosohaki potidaꞌano kadieno Samaria bhe Galilea.

Lukas 17:16

Nohato nolongkomo ne aꞌeno Yesus maka nefoampe katumpuno lalono. Gahaꞌa mie anaꞌa miendo Samaria.

Lukas 7:27

Kapaꞌamo Yohanes inimo nepulaoꞌaono wambano Kitabi aini, ⸤ Ambano Lahataꞌala⸥ ‘Anoamo itu katuduku, atudue namaꞌinduluangko, naebhongkaangko kaangkaꞌa te wisemu.’

Yohanes 4:4

Anoa tetewei nalumempagi kadieno Samaria.

Yohanes 4:5

We Samaria nohatomo ne seꞌonu kota neano Sikar, ne owano wite kawaꞌaono Yakub endefiꞌini ne Yusuf anano.

Yohanes 4:9

Nopugaumo hobhine miendo Samaria maitu, “Nada amai hintu miendo Yahudi mesalo mohoꞌu ne idi miendo Samaria?” (Kapugauꞌano peda anaꞌa, miendo Yahudi miina dapokala-kalaꞌia bhe miendo Samaria).

Yohanes 8:48

Dotobhoosimo miendo Yahudi ne Yesus ambado, “Ingka nokotuꞌumo pugau mania, hintu itu miendo Samaria nopesuakikomo seetani.”