Lukas 9:42 - Muna Southern Dialect

⁴² Tangasano nekala-kala nohope ne Yesus, seetani nohambitaꞌiao anaꞌi aitu ne wite maka nogegohaane. Tamaka Yesus tanobhoohai seetani anaꞌa, nofekaꞌosa anaꞌi aitu maka nofosulie ne amano.

Lukas 9:42 Iomraidhean Croise

Markus 9:20

Anaꞌi amaitu doowaemo se Yesus. Sanowoha Yesus, seetani naꞌa kansuhu nogegohao anaꞌi maitu sampe notihambitao ne wite. Newalo-walole, nokobuha-buhamo bhe wobhano.

Lukas 7:15

Anaꞌi moꞌane mateno naꞌa lasao nowanu nengkoha bhe nopugau, maka Yesus nowaꞌanemo inano.

Lukas 9:39

Tambaꞌomo giagi nokuasaiꞌe seetani sampe tanopokakei-keimo. Seetani anaꞌa nogegohaꞌiane nokokida-kida bhe uluno, nokobuha-buha bhe wobhano. Sadhia nofodee-deeꞌe, gaono paemo sepaliꞌa nahumunsaea.

Lukas 9:41

Ambano Yesus, “Pahasili hintimiu, mie tapa marasaeano bhe kolilinono totono lalo! Tana seꞌae gahaꞌa beano so kaomponanoa aeate bhe hintimiu? Tana seꞌae bhahaa so sabahaku? Owa kanaꞌe se ini anamu itu!”

Yohanes 6:19

Andoa dobhose napelima tawa nomo kilomo kakodoꞌonoa, tadua dowohamo Yesus nekala-kala te wawono oe nomaꞌoti bhangkando. Andoa doteꞌi sepaliꞌa.

Tula-tulando rasulu 9:41

Petrus nointahamo limano maka nofoehee. Pada anaꞌa noloꞌoimo umati mongkilo bhe bhihinandaꞌi maka nofosusuanda hobhine sumuli moꞌuhino maitu.

Powoha 12:12

Dadiꞌanomo, hintu surugaa bhe kosasawindo meatefie, fowulaomu lalomiu! Tamaka balaamoomu hintimiu wite bhe teꞌi, hampano nosampunikikoomu Kafeompuꞌando seetani weo amahano bhalano; nopandeꞌaane wakutuuno nosekemo.”