Lukas 9:38 - Muna Southern Dialect

³⁸ Seemie ne olotando mie bhahi naꞌa nopugaumo nofekabhala-bhala suahano ambano, “Guru, aesalo umondo anaku, anaku ini kaenseemie kaꞌasi.

Lukas 9:38 Iomraidhean Croise

Matius 15:22

Ne itu nomaimo hobhine miendo Kanaan ⸤ suano miendo Yahudi⸥ meateno ne itu bhe nokei ambano, “Mobhela kanau lalo, Ompu sampuꞌano Daud, anaku hobhine nopesuakie seetani nokadee-deemo sepaliꞌa.”

Lukas 7:12

Nomaꞌo bhe kaguali bhalano mesuaꞌano weo kota nandoo katongkuno mie mate dolimbaane maiꞌao weo kota. Mateꞌano naꞌa anaꞌi moꞌane kaenseemie, anano bhihinanda. Dobhahi sepaliꞌa miendo kota poangkaꞌaono hobhine naꞌa.

Lukas 9:37

Nomentae kaowu ⸤ Yesus bhe anaguhuꞌino totoluno⸥ dosampumo maiꞌao te kabhawo. Gahaꞌa dohatomo mie bhahi dobhatompa dopoꞌawaꞌao Yesus.

Lukas 9:39

Tambaꞌomo giagi nokuasaiꞌe seetani sampe tanopokakei-keimo. Seetani anaꞌa nogegohaꞌiane nokokida-kida bhe uluno, nokobuha-buha bhe wobhano. Sadhia nofodee-deeꞌe, gaono paemo sepaliꞌa nahumunsaea.

Yohanes 4:47

Nofetingke Yesus nomaiꞌao we Yudea nofoni toha we Galilea, tungguno kamali naꞌa nokalamo nopoꞌawaꞌao Yesus, nesalo nakumala namekaꞌosa anano, kapaꞌamo anano nosaki tamomateꞌano.