Lukas 9:22 - Muna Southern Dialect

²² Nopugaumo Yesus ambano, “Anano Manusia tetewei nabhahi naenamisi kakadee-dee bhe dabansie kamu-kamungkulaꞌi, neangkaꞌindo imamu bhe pande-pande Kitabi, damongkoe maka ne katolu oleono namanu namaiꞌao ne mate.”

Lukas 9:22 Iomraidhean Croise

Matius 17:12

Amohatokoomu, sakotuꞌuno anabii Elia padamo nomai, tamaka mie miina damandeꞌaanea, tadohabumo ampa kapoindalondo. Nadamo dua anaꞌa Anano Manusia - Idimo ini - damodee-deeꞌe.”

Matius 17:22

Wakutuuno Yesus bhe anaguhuꞌino dopohompu-hompu we Galilea, nofohatodamo ambano, “Paemo naomponaa, Anano Manusia - Idimo ini - damowae ne limando mie kokuasano.

Matius 27:63

Ambado, “Waompu, tafeꞌulai pugauno fobhohe-bhoheꞌino maitu wakutuu nandoo nodadi. Ambano ne katolu oleono namanumo maiꞌao ne mate.

Markus 8:31

Nopalusi anaꞌa Yesus notandamo nofohato anaguhuꞌino ambano, “Anano Manusia - Idimo ini - tetewei nabhahi naenamisi kakadee-dee. Anoa dabansie kamu-kamungkulaꞌi, neangkaꞌindo imamu bhe pande-pande Kitabi. Damongkoe, tamaka ne katolu oleono nadumadimo toha.”

Markus 9:31

mbaꞌinomo nandoo nofoinaꞌu anaguhuꞌino. Ambano, “Anano Manusia - Idimo ini - damowae ne limando mie kokuasano, maka damongkoe. Tamaka ne katolu oleono nadumadimo toha.”

Lukas 17:25

Ampamo kaowu Anano Manusia tabeano nabhahi naenamisi kadeki kakadee-dee bhe dabansie mie dhamani aini.

Lukas 24:26

Ingka Mesias Omputo Fosalamatino tetewei naenamisi kadeki kosasawiꞌae maitu so namehapiꞌao kakalabhiano.”

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Lukas 24:7

ambano: Anano Manusia tabeano daowae ne limando mie kodhosa maka dakumantaiꞌe te sau salipu, bhe ne katolu oleono namanumo maiꞌao ne mate.”

Lukas 9:44

ambano, “Taꞌoomu tingalamiu, tandaiꞌeomu pugauku ini. Anano Manusia daowae ne kuasano manusia.”

1 Korintus 15:4

Padamo dua afohatoangkoeꞌomu putae Kristus padamo dokobuhue, maka ne katolu oleono dofowanue maiꞌao ne mate, noposahataa bhe wambano Kitabi.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.