Lukas 9:19 - Muna Southern Dialect

¹⁹ Dotobhoosimo ambado, “Nandoo kumonako Yohanes Fokadiuno, nandoo kumonako dua anabii Elia, tamaka nandoo dua mugauno seemie anabii dhamani wawono suli nodadi.”

Lukas 9:19 Iomraidhean Croise

Matius 14:2

Dadiꞌanomo nopugaumo ne mieꞌino ambano, “Mie aini tetewei Yohanes Fokadiuno. Anoa suli nodadi, kakokuasaꞌanomo nehabu giu timenteꞌaono.”

Matius 3:1

Ne wakutuu anaꞌa notiumbamo Yohanes Fokadiuno we pandaso bhalano ne kadieno Yudea. Anoa nefolele Bhihita Metaa,

Markus 6:14

Kolaki Herodes nofetingke dua giu nehabuno Yesus, mbaꞌinomo neano notiende-endemo ne amai liwu. Nandoo mugauno, “Yohanes Fokadiuno nodadimo toha! Kakokuasaꞌanomo nehabu giu timenteꞌaono!”

Markus 6:15

Tamaka ambado sigaoꞌano, “Anoa ini anabii Elia!” Nandoo dua mugauno, “Anoa ini o anabii, nopototo bhe ana-anabii dhamani wawono.”

Lukas 9:18

Sewakutuu tangasano Yesus nosambahea nomoisa domaiꞌiemo anaguhuꞌino. Yesus nofeenadamo ambano, “O mie dokona kanau laꞌae bhahaa Idi ini?”

Lukas 9:20

Yesus nofeenadamo dua ambano, “Ane hintimiu, kona kanauꞌomu laꞌae Idi ini?” Notobhoosimo Petrus, “Hintumo Mesias, Omputo Fosalamatino maiꞌaono ne Lahataꞌala.”

Yohanes 1:21

Ambado toha, “Ane peda naꞌa, laꞌae gahaꞌa hintu ini? Bhahaa anabii Elia?” Tamaka Yohanes notobhoosi ambano, “Suano.” Ambado dua, “Hintumo bhahaa anabii neanta-antagi?” Ambano, “Suano.”

Yohanes 1:25

Andoa ini dofeenamo ne Yohanes ambado, “Ane hintu suano Mesias Omputo Fosalamatino, suano anabii Elia, suano dua anabii neanta-antagi, noafa dua fokadiuꞌao?”

Yohanes 7:40

Seemie hodua ne olotando mie bhahi metingkeno pugauno maitu, dopugaumo ambado, “Anoa ini kotu-kotuꞌumo o anabii so humatono neanta-antagintoomu itu.”

Yohanes 9:17

Pada aitu dopugaumo toha ne mie kabunto saꞌituini ambado, “Ane fekihimu hintu, laꞌae mie amaitu, ingka padamo nofekantalea matamu?” Notobhoosimo, “Anoa seemie anabii.”