Lukas 8:41 - Muna Southern Dialect

⁴¹ Gahaꞌa nomaimo seemie mandeꞌaono lambu kasambaheaꞌa, neano Yairus. Anoa nosudhu notaohao sombano nesalo ne Yesus nakumala se lambuno,

Lukas 8:41 Iomraidhean Croise

Lukas 13:14

Tamaka mie mandeꞌaono lambu kasambaheaꞌa naꞌa nohehewu lalono mbaꞌinomo Yesus nefekaꞌosa mie mosaki ne oleono Sabat. Anoa nopugaumo ne mie bhahi ambano, “Nandoo nomo oleo so dakogunaꞌao, dadiꞌanomo maiꞌomu damekaꞌosakoomu ne nomo oleono naꞌa, sumanomo koise ne oleono Sabat.”

Lukas 17:16

Nohato nolongkomo ne aꞌeno Yesus maka nefoampe katumpuno lalono. Gahaꞌa mie anaꞌa miendo Samaria.

Lukas 5:8

Nowoha kadhadhia aitu, Simon Petrus nolongko nosudhu ne wiseno Yesus bhe nopugau ambano, “Ompu, hunsa kanau kapaꞌamo idi ini mie kodhosa.”

Lukas 8:42

kapaꞌamo anano hobhine kaenseemie tamateꞌano; umuhuno napeompulu haa taꞌumo. Weo kala-kalano dahumope se lambuno Yairus, mie bhahi dopoꞌua-ua ne sohihino Yesus.

Lukas 8:49

Tangasano Yesus nopugau, nohatomo seemie katudu maiꞌao we lambuno Yairus bhe nopugau ambano, “Anamu nomatemo, koemo dua fekasabha Gurua.”

Yohanes 11:21

Ambano Marta ne Yesus, “Waompu, ane bhe Hintu ne ini, finimoꞌaneku tetewei paise namatea.

Tula-tulando rasulu 13:15

Pada dobasa Kitabino Musa bhe Kitabindo ana-anabii, mie mandeꞌaono lambu kasambaheaꞌa dotudumo mie dameena ne Paulus bhe sabhangkaꞌino. Ambado, “Bhahitieꞌi, ane bhe kafoinaꞌu so kalawesino lalondo umati naembalimo damosampeea.”

Tula-tulando rasulu 18:17

Tamaka kosasawindo mie naꞌa dobuutimo Sostenes mandeꞌaono lambu kasambaheaꞌa, maka dowangkulie ne wisendo pande bhitaha, tamaka Galio miina napokihaꞌiandaa.

Tula-tulando rasulu 18:8

Krispus mandeꞌaono lambu kasambaheaꞌa naꞌa bhe kosasawindo mie weo lambuno doparasaeamo ne Ompu Yesus. Dobhahi dua miendo Korintus metingkeno kafoguhuno Paulus doparasaea maka dokadiuda.

Tula-tulando rasulu 9:38

Liwuno Lida nopomaꞌoti bhe Yope naꞌa. Dofetingke Petrus nohato we Lida, mangkafino Yesus detudumo dohodua daesalo ne Petrus ambado, “Maimo fekahimba we liwu mani.”

Powoha 5:8

Sanotahima kaluluno kitabi amaitu, mahaluku fato uluno bhe kamungkula haa fulu popaano maitu dolongko dotaohao sombado ne wiseno Anano Dhumba naꞌa. Andoa sanea meintahano kusapi bhe mangko bulawa noponoꞌao dupa; aituꞌaemo sambaheando umati mongkilono.