Lukas 8:35 - Muna Southern Dialect

³⁵ Dadiꞌanomo miendo liwu dofisilimba-limbaꞌamo daꞌumondo kadhadhia anaꞌa. Dohato ne Yesus, dowohamo mie nekadunsano seetani naꞌa nengkoha-ngkoha ne wiseno Yesus, nokopakeamo bhe nototomo. Andoa doteꞌi sepaliꞌa.

Lukas 8:35 Iomraidhean Croise

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Markus 5:15

Dohato ne Yesus dowohamo mie nepesuakino seetani saꞌituini nengkoha-ngkoha ne itu. Mie aitu bhemo pakeano bhe nopandeꞌaomo lalono. Anoamo ini nepesuakino kantawundo seetani saꞌituini. Dadiꞌanomo mie humatono maitu doteꞌi.

Lukas 10:39

Marta bhe hobhine kakutaꞌano, neano Maria. Maria nengkoha-ngkoha ne owano aꞌeno Ompu, nofetingke kansuhu pugauno,

Lukas 15:17

Panda-pandano nopandeꞌaomo lalono. Nokoduku we lalono ambano, ‘Kabhahindo mie mealano ponambo ne amaku dohumaa nopontabhila-bhila, gahaꞌa idi ne ini amateꞌao oti.

Lukas 2:46

Nopooli tolu oleo dopoꞌawaanemo weo Lambuno Lahataꞌala, tangasano nengkoha-ngkoha ne wunta-wuntando guru agama. Anoa nofeti-fetingkeda bhe nofee-feena.

Lukas 8:27

Safonino te wite nosumpuiꞌemo seemie moꞌane nomaiꞌao ne kota aitu. Mie anaꞌa nopesuakie seetani; nomponamo nelembi, miina naeate weo lambu tamaka neate ne tombuno lia kafokobuhuꞌa.

Lukas 8:34

Sadowoha kadhadhia aitu, dhagaꞌino wewi ⸤ kakanea⸥ naꞌa lasao dofilei defolele bhihita we kota bhe liwu-liwu momaꞌoꞌano.

Tula-tulando rasulu 22:3

“O idi ini miendo Yahudi, alente we kotano Tarsus we kadieno Kilikia, tamaka aobhala ne Yerusalem ini. Nofoguhu kanau Gamaliel nompuu-mpuunie sepaliꞌa, apoguhuꞌao tubhono agama nefosampu ne awuaꞌintoomu. Kanandooꞌanomo nokamai-mai sepaliꞌa laloku akahadhaa so Lahataꞌala, peda dua hintimiu itu ampa aini.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.