Lukas 8:33 - Muna Southern Dialect

³³ Dadiꞌanomo seetani lasao dolimba maiꞌao ne mie aitu maka dopesuaki kawaindo wewi naꞌa. Kosekawaindo wewi maitu dofilei we wiwino pimpi maka doꞌohofi wutondo weo teꞌi sampe dolomo.

Lukas 8:33 Iomraidhean Croise

Matius 8:32

Ambano Yesus, “Kalamoomu!” Seetaniꞌi maitu lasao dolimba maka dopesuaki kawaindo wewi naꞌa. Kosekawaindo wewi maitu dofilei we wiwino pimpi maka doꞌohofi wutondo weo teꞌi sampe dolomo.

Lukas 5:1

Sewakutuu Yesus neehe-ehe ne wiwino teꞌino Genesaret, dolibu-libue mie bhahi dametingke bhoasaono Lahataꞌala sampe tadoposeke-sekehemimo.

Lukas 8:32

Ne itu nandoo kawaindo wewi ⸤ nekanea⸥ tangasano doliwu te laano kabhawo. Seetani andoa naꞌa desalomo ne Yesus naꞌumundaꞌaanda damesuaki kawaindo wewi aitu. Yesus noꞌundapi kamesalondo.

Lukas 8:34

Sadowoha kadhadhia aitu, dhagaꞌino wewi ⸤ kakanea⸥ naꞌa lasao dofilei defolele bhihita we kota bhe liwu-liwu momaꞌoꞌano.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

Powoha 9:11

Kafeompuꞌa mahintangida o malaꞌekati tungguno ola pata kotompano. Neano ne wamba Ibrani dokonae Abadon, ne wamba Yunani dokonae Apolion ⸤ maꞌanano Fobinasano⸥ .