Lukas 8:3 - Muna Southern Dialect

³ Yohana hobhineno Kusa, Susana bhe hobhineꞌi sigaoꞌano. Kusa naꞌa mandeꞌaonomo kamalino kolaki Herodes. Hobhine andoa ini doꞌondofao kafaraluuno Yesus bhe sabhangkaꞌino dopake kanandoodo wutondo.

Lukas 8:3 Iomraidhean Croise

Matius 14:1

Wakutuu anaꞌa Herodes, kolaki we kadieno Galilea, nofetingke dua bhihitano Yesus.

Matius 14:3

Kapaꞌamo Herodes padamo nofotudu dohako Yohanes, dokatapue maka dotohongkue. Katitohongkuꞌano mbaꞌinomo parakarano Herodias, mieno lambuno Filipus, nealano Herodes. Gahaꞌaitumo Filipus ini dosibhahitie bhe Herodes.

Matius 14:6

Seꞌoleo kolaki Herodes nehabu hame-hame nofeꞌulai oleo kalenteꞌano. Ne hame anaꞌa kalambeno Herodias nolinda ne wisendo humatono. Herodes noꞌia sepaliꞌa nowoha lindano.

Matius 2:11

Hato dopesua weo lambu, dowohamo anaꞌi naꞌa bhe Maria inano. Andoa dosudhu dotaohao sombado ne anaꞌi naꞌa. Pada anaꞌa dolengkasi kahatoꞌaondo maka defoampe kawaꞌao, o bulawa, o dupa bhe mina-mina nekonando mur.

Matius 20:8

Hato nohondo oleo nopugaumo kokaampono naꞌa ne mandoro ambano, ‘Saliꞌida kumahadhaano itu maka waꞌanda ponambodo seemie-seemie, natumanda ne mesuano mbuhumai ampa mesuano kabhao-bhaono.’

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 26:11

Mie mokae sadhia dapobhai bhe hintimiu, tamaka Idi ini pae aeate kansuhu bhe hintimiua.

Matius 27:55

Ne itu dobhahi dua hobhine umondono se kodoꞌono. Andoa ini mangkafino Yesus domaiꞌao we Galilea mbali umondofaono kafaraluuno.

Lukas 24:10

Hobhineꞌi andoa naꞌa ndo Maria Magdalena, Yohana bhe Maria inano Yakobus. Nandoo dua hobhine poowaꞌando detula-tula dua ne rasuluꞌi.

Yohanes 12:6

Kapugauꞌano peda naꞌa suano mbaꞌinomo noniniꞌao mie mokae, tamaka mbaꞌinomo anoa maitu seemie kasoꞌo, nentelamo nohumaa dhoi weo kaenteiꞌa dhoi neintahano.

Tula-tulando rasulu 13:1

Wakutuu anaꞌa ne olotando umati marasaeano we Antiokia nandoo seemie hodua anabii bhe guru. Andoa naꞌa dokonada Barnabas, Simeon nekonando dua Niger, Lukius miendo Kirene, Menahem bhe Saulus. Menahem ini nandoo kahobuno dodambaꞌaane poowa-owa bhe kolaki Herodes.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Filipi 4:22

Kosasawindo umati mongkilono ne kota aini defosampeangkoomu dua salam, mangke-mangke kumahadhaano weo kamalino Omputo Kaisar.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.