Lukas 8:27 - Muna Southern Dialect

²⁷ Safonino te wite nosumpuiꞌemo seemie moꞌane nomaiꞌao ne kota aitu. Mie anaꞌa nopesuakie seetani; nomponamo nelembi, miina naeate weo lambu tamaka neate ne tombuno lia kafokobuhuꞌa.

Lukas 8:27 Iomraidhean Croise

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Markus 5:15

Dohato ne Yesus dowohamo mie nepesuakino seetani saꞌituini nengkoha-ngkoha ne itu. Mie aitu bhemo pakeano bhe nopandeꞌaomo lalono. Anoamo ini nepesuakino kantawundo seetani saꞌituini. Dadiꞌanomo mie humatono maitu doteꞌi.

Lukas 8:26

Yesus bhe anaguhuꞌino dosedemo we liwundo miendo Gerasa we sewetano teꞌino Galilea.

Lukas 8:28

Sanowoha Yesus nekei-keimo maka nosudhumo notaohao sombano bhe nopugau ampa kabhalano suahano, “O ae patudhumu ne idi ini, Yesus Anano Lahataꞌala foliuno kuasa? Aesalo mpuu koise fodee-dee kanaua.”