Lukas 8:12 - Muna Southern Dialect

¹² Mondawuꞌano ne wiwino kaangkaꞌa maꞌanano mie metingkeno tamaka nomai Kafeompuꞌando seetani noala bhoasao anaꞌa maiꞌao weo totono lalondo keana doparasaea, keana dua dosalamati.

Lukas 8:12 Iomraidhean Croise

Matius 13:19

Kotika mie metingkeno bhoasao Kafopahintaꞌano Lahataꞌala tamaka miina nalumosangiea, nomaiꞌie Kafeompuꞌando seetani norampasi bhoasao kaneꞌo neꞌewi weo totono lalondo maitu. Aitumo maꞌanano wine mondawuꞌano ne kaangkaꞌa.

Matius 13:4

Tangasano neꞌewi, nandoo wine mondawuꞌano ne kaangkaꞌa. Gahaꞌa dohatomo kaꞌuhi lumola, dopadae dohumaaꞌe.

Markus 4:15

O wine mondawuꞌano ne kaangkaꞌa, maꞌanano mie metingkeno bhoasaono Lahataꞌala maitu. Tamaka kaneꞌo pada dofetingkee, nomaimo Kafeompuꞌando seetani, lasao noala bhoasao kaneꞌo neꞌewi weo totono lalondo maitu.

Lukas 8:11

Maꞌanano kapalenda saꞌituini peda aini. O wine naꞌa bhoasaono Lahataꞌala.

Lukas 8:13

Mondawuꞌano ne kamoꞌali, maꞌanano mie metingkeno bhoasaono Lahataꞌala naꞌa, lasao dotahimae bhe doꞌiaꞌane, tamaka miina nakopahakaa weo totono lalondo. Doparasaea sebantaha kaowu, sadeꞌawa kasabha dohunsa kaparasaeando kosowo-sowondo.

Lukas 8:5

Ambano, “Nandoo seemie mekaampono nokala neꞌewi wine. Tangasano noꞌewi wine maitu nandoo mondawuꞌano ne kaangkaꞌa, gahaꞌa doangka mie dofinda-findaꞌie bhe dopadae dohumaaꞌe kaꞌuhi lumola.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.