Lukas 8:1 - Muna Southern Dialect

¹ Miina naomponaa pada anaꞌa Yesus noliligimo kota bhe liwu nefolele Bhihita Metaa Kafopahintaꞌano Lahataꞌala. Weo kala-kalano naꞌa dopobhaiane anaguhuꞌino ompulu hoduano,

Lukas 8:1 Iomraidhean Croise

Matius 11:1

Nopalusi nofohato anaguhuꞌino ompulu hoduano naꞌa, Yesus nohunsamo liwu aitu maka nokala nofofoinaꞌu bhe nefolele Bhihita Metaa ne liwu-liwu momaꞌoꞌano ne itu.

Matius 13:19

Kotika mie metingkeno bhoasao Kafopahintaꞌano Lahataꞌala tamaka miina nalumosangiea, nomaiꞌie Kafeompuꞌando seetani norampasi bhoasao kaneꞌo neꞌewi weo totono lalondo maitu. Aitumo maꞌanano wine mondawuꞌano ne kaangkaꞌa.

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Matius 9:35

Pedamo aitu, Yesus noliligi kota bhe liwu ne itu, nofofoinaꞌu weo lambu kasambaheaꞌa bhe nefolele Bhihita Metaano Kafopahintaꞌano Lahataꞌala, poowa nefekasali sabhaha saki bhe kadaino namisi.

Markus 1:39

Pada aitu Yesus nolilimo we kadieno Galilea, nefolele Bhihita Metaa weo lambu-lambu kasambaheaꞌando bhe nefolimba seetani.

Lukas 1:80

Anaꞌi anaꞌa dhulu kabhala dhulu kamatangka rohino. Anoa neate we pandaso bhalano ampa ne oleono namotiwoha wutono ne miendo Israel.

Lukas 20:1

Seꞌoleo Yesus nefoinaꞌu mie bhahi weo Lambuno Lahataꞌala bhe nofohatoanda Bhihita Metaa. Gahaꞌa dohatomo dua neangkaꞌindo imamu, pande-pande Kitabi bhe kamu-kamungkulaꞌindo Yahudi.

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Lukas 9:6

Pada anaꞌa anaguhuꞌino dokalamo doliligi sabhaha liwu defolele Bhihita Metaa bhe defekaꞌosa mie mosaki ne amai maka kahatoꞌando.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 13:32

Dadiꞌanomo insaodi ini tafoleleangkoomu Bhihita Metaa; maꞌanano dhandino Lahataꞌala ne awuaꞌintoomu,

Roma 10:15

Nada amai dua daefolele bhihita ane pae bhe fotuduno dakumala? Noposahataa bhe tibuhino weo Kitabi peda aini, “Nokesa mpuu hatondo mie mefoleleno Bhihita Metaa.”