Lukas 7:39 - Muna Southern Dialect

³⁹ Nowoha aitu, mieno Farisi bhasino Yesus naꞌa nokomuntumo we lalono, “Ane anoa ini kotu-kotuꞌu seemie anabii, tetewei namandeꞌaane laꞌae hobhine dumampasie ini, peda ae podiuno, ingka o mie kodhosa.”

Lukas 7:39 Iomraidhean Croise

Matius 20:16

Ambano toha Yesus, “Pedamo anaꞌa mie humatono mbuhumai sumuli damaꞌindulu, maꞌinduluno sumuli dambuhumai.”

Matius 21:11

Mie bhahi maitu dotobhoosi ambado, “Ainiꞌaemo anabii Yesus maiꞌaono we liwuno Nasaret, we kadieno Galilea.”

Markus 7:21

Kapaꞌamo nomaiꞌao weo totono lalondo manusia nolimba sabhaha fekihi modai peda dopokawite-wite, dosibu, dofopongko,

Lukas 12:17

Nokodukumo lalono, ‘Aeafamo bhahaa, ingka miinamo bhe lambu so katihompuꞌano pehapiku ini?’

Lukas 15:2

Miendo Farisi bhe pande-pande Kitabi dokamuntu-muntu ambado, “Pahasili, mie aini netahima mie kodhosa bhe nohumaa nopombali-mbalianda.”

Lukas 16:3

Dukuno lalono mie anaꞌa, ‘Aeafaꞌimo bhahaa? Ingka kafeompuꞌaku ini namosabu kanaumo. Aesaꞌera pae atumanggoa, aesalo-salo ingka aambano.

Lukas 18:4

Ampa seꞌoleo haa oleo pande bhitaha naꞌa nokiido natumulumie. Tamaka pada anaꞌa nokodukumo we lalono, ‘Daanumo miina aoteꞌia ne Lahataꞌala, miina dua akonidhampangia mie bhaiku,

Lukas 3:8

Dadiꞌanomo fotiwohaomu ne podiumiu ingka gahaꞌa fetompaanemoomu dhosamiu. Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei dasumalamati⸥ .’ Kapaꞌamo amohatokoomu, Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Lukas 7:16

Kosasawindo mie bhahi doteꞌimo bhe dopudhi Lahataꞌala ambado, “Seemie anabii bhalano notiumbamo ne wunta-wuntantoomu. Lahataꞌala nodongawimo umatino natumulumida.”

Lukas 7:37

Ne kota anaꞌa nandoo seemie hobhine tiende-endeno mie kodhosa. Nofetingke Yesus tangasano nohumaa we lambuno mieno Farisi naꞌa, hobhine aitu nomaimo newowoꞌo kabuto-butolo kani noponoꞌao mina-mina kawondu.

Lukas 7:38

Nohato neehe-ehemo we kundono Yesus ne owano aꞌeno bhe noꞌae. Luuno nopotuhu ne aꞌeno Yesus maka noꞌapuleiane wuluno fotuno bhe nowonoe. Aꞌeno Yesus naꞌa nominakianemo dua mina-mina kawondu saꞌituini.

Lukas 7:40

Pada aitu Yesus nopugaumo ne kolambuno naꞌa ambano, “Simon, nandoo so nefohatoꞌaoku ne hintu.” Ambano Simon, “Tapugaumo paꞌaa Guru.”

Yohanes 4:19

Ambano hobhine anaꞌa, “Waompu, aitu apandeꞌaangkomo hintu ini seemie anabii.

Yohanes 7:12

Dobhahi raꞌeati mekamu-kamuntuno sadhia dopulaoꞌao Anoa. Nandoo mugauno, “Anoa maitu mie metaa.” Nandoo dua mugauno, “Miina, Anoa maitu nefekakolilino raꞌeati.”

Yohanes 9:24

Pada amaitu fenduamo dua dobhasi kabunto saꞌituini maka dopugauane ambado, “Pugau kumotuꞌuꞌano ne wiseno Lahataꞌala, tapandeꞌaane mie amaitu mie kodhosa.”