Lukas 7:21 - Muna Southern Dialect

²¹ Wakutuu anaꞌa dobhahi mie nefekaꞌosano Yesus nomaiꞌao ne sabhaha saki bhe kakadee-dee. Nobhahi dua seetani nefolimbano bhe kabunto nefowulano matando sampe dofowoha.

Lukas 7:21 Iomraidhean Croise

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Markus 3:10

Nobhahi sepaliꞌa nefekaꞌosa mie mosakino, sampe mie mosakino dopodhumpu-dhumpuhao domaꞌoti Yesus dakumadampaeꞌao.

Markus 5:29

Sanodingku dhubano maitu, notiehemo hea nolimba, nonamisi we lalono noꞌosamo.

Markus 5:34

Ambano Yesus ne hobhine aitu, “Waꞌina, hampano kaparasaeamu ne Idi, moꞌosamo. Sulimo, netaamo namisimu, moꞌosamo kansuhu itua.”

Lukas 7:20

Dohato ne Yesus mie katuduno maitu dopugaumo ambado, “Yohanes Fokadiuno notudu kainsami tameenako, hintumo bhahaa so humatono peda nedhandiꞌaono Lahataꞌala, kaa taeantagi dua mie sigaoꞌano?”

Ibrani 12:6

Kapaꞌamo Ompu notangahi bhe nohukumu mie nemoasiꞌaono, kotika nekonano anaꞌino nopepekida.”