Lukas 7:17 - Muna Southern Dialect

¹⁷ Bhihitano Yesus ini nolelemo ne kosekaꞌewaꞌae witeno Yudea bhe liwu pomaꞌo-maꞌotiꞌano.

Lukas 7:17 Iomraidhean Croise

Matius 2:1

Yesus nolente we liwuno Betlehem we kadieno Yudea ne dhamanino kolaki Herodes. Gahaꞌa dohatomo we Yerusalem seemie hodua mie mande maiꞌaono te mata oleo. Andoa ini dopoguhuꞌao waweno sabhaha kulipopo.

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Matius 9:26

Bhihitano kadhadhia amaitu nokolele ne kosekaꞌewaꞌae kadie aitu.

Matius 9:31

Tamaka kohoduando dokala dofolele bhihitano Yesus ne kosekaꞌewaꞌae kadie aitu.

Markus 1:28

Pada aitu bhihitano ini nehimba sepaliꞌa nolele ne kosekaꞌewaꞌae kadieno Galilea.

Markus 6:14

Kolaki Herodes nofetingke dua giu nehabuno Yesus, mbaꞌinomo neano notiende-endemo ne amai liwu. Nandoo mugauno, “Yohanes Fokadiuno nodadimo toha! Kakokuasaꞌanomo nehabu giu timenteꞌaono!”

Lukas 4:14

Weo kuasano Rohino Lahataꞌala, Yesus nosulimo we Galilea. Bhihitano nolelemo ne kosekaꞌewaꞌae kadie aitu.

Lukas 7:14

Pada aitu nodhulupimo katongkuno maeati maka nodampasie sampe mie metongkuno dofetumpu. Nopugaumo Yesus ambano, “Anaꞌi moꞌane, ambaku wanuꞌo toha!”