Lukas 7:13 - Muna Southern Dialect

¹³ Nowoha bhihinanda aitu, Ompu Yesus nobhelaanemo lalono maka nopugau ambano, “Koise moꞌaea.”

Lukas 7:13 Iomraidhean Croise

Markus 8:2

“Nobhelaanda sepaliꞌa laloku mie bhahi ini. Tolu oleomo doangkafi kanau, miinamo dakoꞌotia.

Lukas 10:1

Palusi anaꞌa Ompu Yesus nepilimo anaguhuno sigaoꞌano dofitu fulu, maka notududa dahodua-hodua dakumala damaꞌindulu ne kota bhe liwu so kaangkaiꞌano.

Lukas 11:1

Sewakutuu Yesus nosambahea. Pada nosambahea nopugaumo seemie anaguhuno ambano, “Ompu, foinaꞌu kainsami tasumambahea peda Yohanes ⸤ Fokadiuno⸥ nofoinaꞌu anaguhuꞌino.”

Lukas 11:39

Tamaka Ompu nopugaumo ambano, “Hintimiu miendo Farisi fewaniuꞌomu kundono kampomaaꞌa bhe kampohoꞌuꞌa tamaka we totono lalomiu noponoꞌao kasaohi buku bhe podiu modai.

Lukas 12:42

Ambano Ompu Yesus, “Kaowu laꞌae bhahaa mie mandeꞌaono lambuno kafeompuꞌano motuhuno lalo bhe kotimbangino maitu? Anoamo maitu so nesangkeno kafeompuꞌa so neangkando kosasawindo bhatua so metaganaanda daomaa napobutu bhe tempono.

Lukas 13:15

Tamaka Ompu Yesus notobhoosiemo ambano, “Hintimiu mie mehaaꞌulano! Ingka kosasawimiu ini sadhia lenseomu sapi tawa keledaimiu maka tondaeꞌomu we simbali fefohoꞌutieꞌomu, mahingga ne oleono Sabat.

Lukas 17:5

Dopugaumo rasuluꞌi ne Ompu Yesus ambado, “Tubhahie kaparasaea mani.”

Lukas 17:6

Ambano Ompu, “Ane kabhalano kaparasaeamiu nada onuno wonoita seꞌonu, naembali pugauꞌomu ne puꞌuno ara ini, ‘Buna wutomu maka tisa wutomu we teꞌi’, puꞌuno sau maitu tetewei namangkafi pugaumiu.”

Lukas 18:6

Ambano Ompu Yesus, “Tandaiꞌeomu pugauno pande bhitaha pata melaano lalo naꞌa!

Lukas 19:8

Palusi anaꞌa Zakeus noehemo maka nopugau ne Ompu ambano, “Ompu, naselabunta kanandooku ini adumawuandae mie mokae. Pakade ane nandoo mie nebhohe-bhoheꞌiku, kahugindo abhoosie nafato lentuꞌa.”

Lukas 22:61

Ompu nodoli noꞌondomo Petrus, maka Petrus nofeꞌulaimo pugauno Ompu, “Paeꞌo nakumakuhuaꞌa manu alo aini, natolu pakumo gumaga miina mandeꞌa kanau.”

Lukas 24:3

Andoa dopesua weo lia kafokobuhuꞌa naꞌa, tamaka maeatino Yesus miina daohaea.

Lukas 24:34

Ambado rasuluꞌi, “Nokotuꞌu mpuu Ompu nowanumo maiꞌao ne mate! Padamo nofotiwoha Wutono ne Simon!”

Lukas 7:12

Nomaꞌo bhe kaguali bhalano mesuaꞌano weo kota nandoo katongkuno mie mate dolimbaane maiꞌao weo kota. Mateꞌano naꞌa anaꞌi moꞌane kaenseemie, anano bhihinanda. Dobhahi sepaliꞌa miendo kota poangkaꞌaono hobhine naꞌa.

Lukas 7:14

Pada aitu nodhulupimo katongkuno maeati maka nodampasie sampe mie metongkuno dofetumpu. Nopugaumo Yesus ambano, “Anaꞌi moꞌane, ambaku wanuꞌo toha!”

Lukas 7:19

Nesaliꞌimo dohodua maka notududa dakumala dameena Ompu Yesus nada aini, “Hintumo bhahaa so humatono peda nedhandiꞌaono Lahataꞌala maitu, kaa taeantagi dua mie sigaoꞌano?”

Lukas 8:52

Kosasawindo mie dekangkoꞌae doꞌaefimo anaꞌi aitu. Tamaka Yesus tanopugau ambano, “Koise moꞌaeꞌomua, anaꞌi aini miina namatea tamaka noodo.”

Yohanes 11:2

Mariamo ini hobhine meꞌobhano mina-mina kawondu ne aꞌeno Yesus maka nopusuliane wuluno fotuno. Lasarus mosakino naꞌa finimoꞌanendo.

Yohanes 11:3

Hobhine andoa naꞌa depakatumo bhihita ne Yesus ambado, “Ompu, mie nemoasiꞌaomu nosaki.”

Yohanes 20:13

Dofeenaemo malaꞌekati naꞌa ambado, “Waꞌina noafa gahaꞌa moꞌaeꞌao?” Notobhoosimo Maria ambano, “Ompuku doalae mie, miina amandeꞌaanea bhahaꞌi doowae ne amai.”

Yohanes 20:15

Ambano Yesus, “Waꞌina, noafa gahaꞌa moꞌaeꞌao? Ondofi laꞌae bhahaa?” Weo fekihino Maria mie amaitu dhagano kaendea, sampe nopugau ambano, “Waompu, ane alae hintu, fohato kanau owae ne amai, amalaeꞌao.”

Yohanes 4:1

Miendo Farisi dofetingkemo mie mangkafino Yesus bhe nekadiuno nofoliuꞌemo kabhahino mangkafino Yohanes.

Yohanes 6:23

Pada amaitu nohatomo seꞌonu haa onu bhangka maiꞌaono we liwuno Tiberias nosede we owano kahumaaꞌando roti, sapalusino Ompu nefoampe katumpuno lalo endewi.

1 Korintus 7:30

moꞌaeno dadumadi kao-kaomo miina daoꞌaea, moꞌiano dadumadi kao-kaomo miina daoꞌiaꞌa, mie toka bhalandano kao-kaomo miina datumahima neꞌolindo,

1 Tesalonika 4:13

Bhahitieꞌi mani, gao mani mandeꞌaaneomu mpuu peda amai kolaundo mie marasaeano humunsano dhunia ini, keana nokompeaha lalomiu peda mie sigaoꞌano tapa koposahunaꞌaono ⸤ ne dadi buꞌou⸥ .

Ibrani 2:17

Kanandooꞌanomo Yesus nofaraluu nopototoane ⸤ Lahataꞌala⸥ bhe bhahitieꞌino ne ae maka dua, kaembaliꞌanomo Imamu Bhalano tiposahunaꞌaono, mobhelano lalo ne mie bhaino bhe meompuno ne Lahataꞌala. Pedamo dua anaꞌa neowa kapometaaꞌando manusia bhe Lahataꞌala mosalinomo dhosando umatino manusia.

Ibrani 4:15

Imamuntoomu, o Imamu Bhalano numamisino dua sabhaha kanalentoomu. Anoa nopototo bhe intaodiomu ini, padamo nonamisie sabhaha kasoba, ampamo kaowu miina nakodhosaa.