Lukas 6:8 - Muna Southern Dialect

⁸ Tamaka Yesus nopandeꞌaane fekihindo, maka nopugaumo ne mie mokepeno lima maitu ambano, “Mai, meehe-ehe te wise ini.” Mie anaꞌa noehemo.

Lukas 6:8 Iomraidhean Croise

Matius 9:4

Tamaka Yesus nopandeꞌaane nefekihindo, maka ambano, “Noafa kofekihi modaiꞌaoꞌomu?

Markus 3:3

Yesus nopugaumo ne mie mokepeno lima maitu ambano, “Mai, meehe-ehe te wise ini!”

Lukas 13:12

Nowoha hobhine amaitu Yesus noloꞌoiꞌemo bhe nopugau ambano, “Waꞌina moꞌosaanemo sakimu itu.”

Lukas 5:22

Tamaka Yesus nopandeꞌaane dukuno lalondo maka nopugau ne andoa, “Noafa gahaꞌa kofekihiꞌaoꞌomu peda aitu?

Lukas 6:9

Pada aitu Yesus nopugaumo ne andoa ambano, “Ameenakoomu, weo tubhono agamantoomu nembali dehabu ae ne oleono Sabat? Habu metaa kaa habu modai? Dafofodadi kaa dafopongko?”

Yohanes 2:25

Miina namaraluu damohatoane feꞌilindo manusia, kapaꞌamo nopandeꞌaane totono lalondo manusia.

Yohanes 21:17

Katolu pakuno Yesus nofeena toha ambano, “Simon anano Yohanes, moasi kanau bhahaa?” Simon Petrus nokompeahamo lalono nofetingke Yesus nofeenae tolu pakumo, “Moasi kanau bhahaa?” maka notobhoosimo dua ambano, “Ompu, ingka pandeꞌaane bhahi-bhahiꞌae, pandeꞌaane dua ingka aoasiangko.” Ambano Yesus, “Ondofaanda dhumbaku.

Yohanes 9:4

Tinangke nandoo ole-oleo, tetewei dadhumalangiomu kahadhaano Tumudu kanau. Kapaꞌamo naohondo kaowu oleo, ingka bhe naseemie paemo bhe so moolino kumahadhaanoa.

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Tula-tulando rasulu 26:26

Kosasawiꞌae ini nopandeꞌaane mpuu kolaki Agripa, kaokadoꞌakumo aetula-tula mentalea-mentalea ne wiseno. Aposahunaꞌao kosasawiꞌae ini miinaꞌo bhe pata nefetingkeno, kapaꞌamo ingka nokadhadhia we mohameꞌano, miina natifebunia.

Filipi 1:28

Koe tihandaomu ne mie mewangikoomu, sadhia fekatangka lalomiu. Poewangiꞌamiu naꞌa somo katandaino andoa dabinasamo, hintimiu sumalamatiomu. Kosasawiꞌae naꞌa nomaiꞌao ne Lahataꞌala.

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

1 Petrus 4:1

Mbadha kamanusiano Kristus nenamisi kakadee-dee, dadiꞌanomo hintimiu dua tetewei fekamatangka fekihimiu so nohelasiꞌao kumadee-deeꞌomu. Kapaꞌamo mie madano menamisino kakadee-deeno mbadha, nokukundomo dhosa.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.