Lukas 6:42 - Muna Southern Dialect

⁴² Peda ae dua pugauꞌao ne bhahitiemu, ‘Bhahitie, mai amaliangko kanenano habha weo matamu itu’, gahaꞌaitu kakebhano sau weo matamu miina mohaea. Hintu mie mehaaꞌulano! Alimo kadeki kakebhano sau weo matamu itu, so nentaleaꞌao umondo maka mali kanenano habha weo matano bhahitiemu.”

Lukas 6:42 Iomraidhean Croise

Matius 26:75

Petrus nofeꞌulaimo pugauno Yesus, “Paeꞌo nakumakuhua manua, natolu pakumo gumaga miina mandeꞌa kanau.” Pada anaꞌa nolimbamo bhe noꞌae, nokompeaha sepaliꞌa lalono.

Matius 7:3

Noafa bhahaa wohaꞌao kanenano habha weo matano bhahitiemu, gahaꞌaitumo kakebhano sau weo matamu miina mandeꞌaanea?

Matius 7:4

Peda ae dua pugauꞌao ne bhahitiemu, ‘Naetaa amaliangko kanenano habha weo matamu itu’, gahaꞌaitumo weo matamu bhe kakebhano sauno.

Lukas 13:15

Tamaka Ompu Yesus notobhoosiemo ambano, “Hintimiu mie mehaaꞌulano! Ingka kosasawimiu ini sadhia lenseomu sapi tawa keledaimiu maka tondaeꞌomu we simbali fefohoꞌutieꞌomu, mahingga ne oleono Sabat.

Lukas 22:32

Tamaka Idi padamo asambaheaꞌangko keana nosali kaparasaeamu. Nasumuli kaowu lalomu, fekatangkada lalondo bhahitieꞌimu.”

Lukas 6:41

Noafa bhahaa wohaꞌao kanenano habha weo matano bhahitiemu, gahaꞌa itu kakebhano sau weo matamu miina mandeꞌaanea?

Lukas 6:43

“Sau metaa pae bhe kapoolia nakobhakeꞌao modaiꞌano, pedamo dua anaꞌa sau tapa metaaꞌano pae bhe kapoolia nakobhakeꞌao metaaꞌano.

Tula-tulando rasulu 13:10

Ambano, “Hintu anano seetani, totono lalomu noponoꞌao kabhohe-bhoheꞌi bhe isikadhi modai! Hintu ini sadhia poewangi bhe kabanara. Pae tumie-tiehea gahaꞌa modo-modoli kaangkaꞌano Lahataꞌala?

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Tula-tulando rasulu 8:21

Miina bhe hakumua weo kahadhaa mani ini, hampano totono lalomu miina naelaaꞌa ne pomatano Lahataꞌala.

Roma 2:1

Dadiꞌanomo hintimiu manusia, laꞌae bhahaa hintu itu sampe foꞌala manusia bhaimu? Ane foꞌala mie bhaimu, gahaꞌaitu podiumu pedamo dua andoa, ingka bhotusi dua wutomu! Sampe miinamo bhe tingkunoa potunduꞌao wutomua.

2 Korintus 5:18

Kosasawiꞌae ini nomaiꞌao ne Lahataꞌala. Noangka ne Kristus Lahataꞌala padamo nopometaa kaita bhe Wutono bhe nowaꞌa kainsami taka kaꞌondofao tapometaaꞌao manusia bhe Wutono.

2 Timotius 2:21

Ane seemie nofekangkilo wutono ne sabhaha modaiꞌano, anoa itu tapedamo kaenteiꞌa so kafaraluuno hame bhalano saꞌituini, ingka padamo dofekangkiloe. Anoa nokofahalaa so kafeompuꞌano, nomantaa-ntaamo so sabhaha kahadhaa metaa.

2 Petrus 1:9

Tamaka o mie tapa makesino podiu anaꞌa tapedamo mie mohawuno mata tawa kabunto, nolimpuꞌaanemo ingka dhosano endefiꞌini padamo dofekanggelaꞌiane.