Lukas 6:38 - Muna Southern Dialect

³⁸ Waꞌanda mie bhaimu maka Lahataꞌala namaꞌangko dua, meꞌawa kaganta bhalano nefohuka bhe neꞌendu ampa napondawuti dasumungkaangkoe ne awimu. Kapaꞌamo kaganta nepakemu mbali mie bhaimu namaꞌangkoe dua Lahataꞌala so wutomu.”

Lukas 6:38 Iomraidhean Croise

Matius 10:42

Laꞌae fowaꞌaono oe kafohoꞌu mahingga nasekampohoꞌuꞌa kaowu so mie mepandano kaengkohaꞌa ini mbaꞌinomo mie aitu anaguhuku, kotu-kotuꞌu pae namiinaea ponambonoa.”

Matius 7:2

Kapaꞌamo kabhotusi nefondawumu ne manusia bhaimu somo dua kabhotusino Lahataꞌala ne wutomu. Pedamo dua aitu tubho nepakemu ne bhaindo somo dua tubhono Lahataꞌala ne wutomu.

Markus 4:24

Yesus notudumi toha pugauno ambano, “Tandaiꞌeomu nefetingkemiu ini! Ampa kawaꞌaoꞌamu ne mie bhaimu, aitu dua so neꞌawamu maiꞌao ne Lahataꞌala, tadua natumubhahiangkomo.

Lukas 6:30

Ane bhe mie nokonisalo ne hintu, waꞌanda. Ane fehebuaꞌamu doalaemo mie bhaimu, koise suli mesaloe.

Yakobus 2:13

Weo kabhitahakino, Lahataꞌala paise naobhela lalono ne mie tapa mobhelano lalo ne mie bhaino. Tamaka mobhelano lalono ne mie bhaino, pae natihukumua, o kahukumu notaloe kabhelano lalo.