Lukas 6:37 - Muna Southern Dialect

³⁷ “Koise bhitahaki mie bhaimu, keana dua nobhitahakiko Lahataꞌala. Koise hukumu mie bhaimu, keana dua nohukumuko Lahataꞌala. Amponida mie bhaimu maka naꞌumamponiko dua Lahataꞌala.

Lukas 6:37 Iomraidhean Croise

Matius 18:30

Tamaka bhatua naꞌa nokiido, sampe nofopesua sabhangkano weo katohongku ampa nopomea dosano.

Matius 5:7

Dokodawua mpuu mobhelano lalo ne manusia bhaindo, kapaꞌamo Lahataꞌala naobhelaanda dua lalo.

Markus 11:25

Tamaka taenomo sumambahea, ane nokohobu-hobu totono lalomu ne mie bhaimu, maꞌafuane kadeki, neanomo Amamu te surugaa naꞌumamponiko dua.

Lukas 23:16

Dadiꞌanomo amepekie maka amolapae.”

Lukas 6:36

Mobhelaanda lalo mie bhaimu pedamo dua Amamu nofomobhelaꞌao lalo.”

Tula-tulando rasulu 3:13

Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

Efesus 4:32

Tamaka tabeano naetaa lalomiu seemieno bhe seemieno, pomobhe-mobhelaꞌao lalo, pomaꞌa-maꞌafuꞌaoꞌomu peda wutono Lahataꞌala noꞌamponikoomu noangka ne Kristus.

Kolose 3:13

Posaba-sabahakiomu, ane pomoda-modaiꞌomu lalo pomaꞌa-maꞌafuꞌaoꞌomu. Ompu ingka padamo noꞌamponikoomu, dadi pedamo dua naꞌa hintimiu tabeano pomaꞌa-maꞌafuꞌaoꞌomu.

Yakobus 2:13

Weo kabhitahakino, Lahataꞌala paise naobhela lalono ne mie tapa mobhelano lalo ne mie bhaino. Tamaka mobhelano lalono ne mie bhaino, pae natihukumua, o kahukumu notaloe kabhelano lalo.

Yakobus 5:9

Bhahitieꞌiku, koise kamuntu-muntuomu bhe pofeꞌa-feꞌalaomu keana meꞌawaomu kahukumu. Tandaiꞌeomu, Fobhitahakino neehe-ehemo ne wobhano fointo.