Lukas 6:27 - Muna Southern Dialect

²⁷ “Ampamo kaowu hintimiu metingke kanau itu, amohatokoomu, moasianda kaewamu, habu metaa ne mie bansiko,

Lukas 6:27 Iomraidhean Croise

Markus 4:24

Yesus notudumi toha pugauno ambano, “Tandaiꞌeomu nefetingkemiu ini! Ampa kawaꞌaoꞌamu ne mie bhaimu, aitu dua so neꞌawamu maiꞌao ne Lahataꞌala, tadua natumubhahiangkomo.

Lukas 23:34

Nopugaumo Yesus ambano, “Ama, amponida kapaꞌamo miina damandeꞌaanea nehabundo.” O tantara dodawu-dawumo pakeano, dopodaduane mbali notipandeꞌaoane dawuno seemie-seemie.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

Lukas 8:18

Dadiꞌanomo taꞌo tingalamu fekataa-taaꞌe! Laꞌae kokanandoono datumubhahiane; tamaka tapa kokanandoono, o ae maka dua nekonano kanandoono damalae.”

Lukas 8:8

Sigaoꞌano dua nondawu ne wite menowu, hato nokobhake sampe moꞌono lentuꞌa kabhahino.” Pada nopugau peda naꞌa, Yesus nopugaumo nofekabhala suahano, “Ane dokotingala, tabeano dametingke!”

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 16:28

Tamaka Paulus nokeimo nofekabhala-bhala ambano, “Koe pongko wutomua! Kosasawi mani nandoo kainsami!”

Tula-tulando rasulu 7:60

Poangka nofongkoha tuuno nokeimo fekabhala-bhala, “Ompu, koise fotongkuandae dhosa aini!” Palusi nopugau peda naꞌa, nobhotumo inawano. Saulus noꞌunda dua Stefanus dopongkoe.

Galatia 6:10

Tinangke bhe kasalawamiu, habu metaa ne kosasawindo mie, mangke-mangkemo ne bhahitie marasaeano ne Kristus.

1 Tesalonika 5:15

Posiꞌondoomu, habu modai koise dobhoosiane dua habu modai, tamaka sadhia uleiꞌomu lalomiu habu metaaꞌomu, sapada-pada hintimiu bhe ne sabhaha mie.

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.