Lukas 6:23 - Muna Southern Dialect

²³ Ne wakutuu anaꞌa fowulaomu lalomiu bhe manariꞌaoꞌomu kaꞌia, kapaꞌamo sakotuꞌuno nobhala ponambomiu kumantaa-ntaano te surugaa. Ingka pedamo dua aitu habundo awuaꞌindo ne ana-anabii dhamani wawono.

Lukas 6:23 Iomraidhean Croise

Matius 5:12

Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”

Lukas 1:41

Nofetingke kafeabhano Maria, anaꞌi newoowano Elisabet nebhapunda weo haebu maka Elisabet nokabhintie Rohino Lahataꞌala.

Lukas 1:44

Kapaꞌamo saꞌafetingke kafeabhamu, anaꞌi newoowaku ini nebhapundaꞌao kaꞌia.

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Tula-tulando rasulu 14:10

Maka Paulus nopugaumo nofekahaa-haaꞌie ambano, “Ehe fekalaaꞌi aꞌemu!” Mie amaitu nopunda ngkaehe-ehe maka nosuli kumala.

Tula-tulando rasulu 3:8

Dadiꞌanomo nopunda ngkaehe-ehe bhe nosuli kumala, maka noangkafida weo Lambuno Lahataꞌala. Nekala-kala bhe nopokapunda-punda, nopudhi Lahataꞌala.

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Roma 5:3

Suano kaowu taꞌanaꞌaa, tamaka nowula dua lalontoomu weo kakadee-deentoomu, kapaꞌamo dopandeꞌaane o kakadee-dee neowa kakosabaha dopotaami.

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

Ibrani 11:26

Weo fekihino Musa, kafekaꞌaebu neꞌawano hampano kaparasaeano ne Mesias Omputo Fosalamatino, noliuꞌe kakoharagaano bhe kosasawiꞌae arataano witeno Mesir, hampano nofeki-fekihi ponambo te oleo mbuhumai.

Ibrani 11:6

Ane pae bhe kaparasaea, manusia pae bhe kapoolia namekaꞌia lalono Lahataꞌala. Kapaꞌamo laꞌae maꞌotino Lahataꞌala tabeano noparasaea mpuu nandoo bhe Lahataꞌala, bhe noparasaea dua Lahataꞌala nefontaa-ntaa ponambo so mie umondofie.

Yakobus 1:2

Bhahitieꞌiku, ane metompaloiꞌomu sabhaha kasabha bhe kasoba, takonamoomu dua kodawuaꞌomu.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

Powoha 2:17

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa manna tifebuniꞌano; pakade amaꞌanda kontu kapute katibuhiꞌanomo nea buꞌou tapa nepandeꞌaondo mie sigaoꞌano, mpahinomo tumahimae.”

Powoha 2:26

Sasuka fotalono bhe dhumalangino kapoindaloku ampa kapuliaono, amaꞌane kuasa namahintangi sabhaha bansano liwu.

Powoha 2:7

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa bhakeno sau meowano dadi weo kaendeano Lahataꞌala nekonando kaendeano Firdaus.”

Powoha 21:7

Sasuka fotalono natumahima kosasawiꞌae ini. Idi aembali Lahataꞌalano, anoa somo anaku.

Powoha 3:12

Sasuka fotalono amoehee naembali kampana weo Lambuno Lahataꞌalaku bhe paemo sepaliꞌa nalumimba maiꞌao ne naꞌa. Ne mbadhano abuhiane neano Lahataꞌalaku bhe neano kotano Lahataꞌala nekonando Yerusalem buꞌou, sumampuꞌano maiꞌaono ne Lahataꞌala te surugaa, bhe abuhiane dua neaku buꞌouꞌano.

Powoha 3:5

Sasuka fotalono damopakeane pakea kapute pedando naꞌa; neando tibuhino weo Kitabino Mie Dumadi paemo amosaliea. Ne wiseno Amaku bhe ne wisendo dua malaꞌekatino, aꞌumakuida putae andoa maitu fehebuaꞌaku.