Lukas 6:21 - Muna Southern Dialect

²¹ Kodawua mpuu hintimiu moꞌahono ampa aitu, hampano mada kaowu damekaweꞌikoomu. Kodawua mpuu hintimiu moꞌaeno ampa aitu, hampano namada kaowu mutaaꞌomu.

Lukas 6:21 Iomraidhean Croise

Matius 5:4

Dokodawua mpuu mopeano lalo, kapaꞌamo nalumawesida Lahataꞌala.

Matius 5:6

Dokodawua mpuu mokambano lalo ne kabanara, kapaꞌamo Lahataꞌala namaꞌandae nemokambaꞌaondo.

Lukas 1:53

Mie moꞌaho nofekaweꞌianda sabhaha metaaꞌano, tamaka mie hangkaea notududa dakumala haa mbali limando.

Lukas 6:20

Pada anaꞌa Yesus noꞌondomo anaguhuꞌino bhe nopugau ambano, “Kodawua mpuu, hintimiu ngkumaasi-asino, hampano hintimiumo so mehapino Kafopahintaꞌano Lahataꞌala.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Lukas 6:25

Balaamoomu, hintimiu moweꞌino ampa aitu, hampano mada kaowu moꞌahoomu. Balaamoomu, hintimiu mutaano ampa aitu, hampano mada kaowu mopeaꞌomu bhe moꞌaeꞌomu.

Yohanes 11:35

Yesus tanopotuhumo luuno.

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Yohanes 6:35

Ambano Yesus, “Idimo ini roti dumadino, sasuka maino ne Idi paemo naoꞌahoa, sasuka marasaeano ne Idi paemo nakekele wuꞌunoa.

1 Korintus 4:11

Taꞌampamo aitu taoꞌaho bhe nokekele wuꞌu mani, pakea mani tanokobhini-bhinimo, dotofali kainsami bhe tatalilimo miina takolambua.

2 Korintus 11:27

Nobhahimo akahadhaa moꞌosa bhe atampu-tampu bukuku; nentela aekamboto, aoꞌaho bhe nokekele wuꞌuku; nentela miina aomaa miina aohoꞌua, aetahangi kahindi bhe kakaeno pakea.

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

Yakobus 1:12

Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

Powoha 21:3

Pada aitu afetingkemo suaha mohaaꞌi nomaiꞌao ne kaengkohaꞌano omputo ambano “Ondo kaitaomu! Aitu tenda kaeateꞌano Lahataꞌala nohatomo ne wunta-wuntando manusia, Anoa naeate napobhaianda. Manusia daembali umatino Lahataꞌala, wutono Lahataꞌala napobhaianda somo Lahataꞌalando.

Powoha 7:16

Andoa paemo daoꞌahoa, paemo nakekele wuꞌundo, paemo nakumantibhada kasodono oleo.