Lukas 5:30 - Muna Southern Dialect

³⁰ Miendo Farisi bhe pande-pande Kitabi dokamuntu-muntu ne anaguhuꞌino Yesus ambado, “Noafa gahaꞌa pombali-mbaliꞌaoꞌomu bhe mealaꞌino sewa bhe mie kodhosa maitu?”

Lukas 5:30 Iomraidhean Croise

Matius 5:46

Ane moasiꞌaoꞌomu kaowu mie moasiangkoomu, so dua ae Lahataꞌala namonambokoomu? Ingka mahingga mie mesalono sewa dohabu dua peda naꞌa.

Matius 9:11

Dowoha peda naꞌa, miendo Farisi dopugaumo ne anaguhuꞌino ambado, “Noafa gahaꞌa gurumiu nohumaa nopombali-mbali bhe mealano sewa bhe mie kodhosa maitu?”

Markus 2:16

Nandoo dua pande-pande Kitabi maiꞌaono ne kaomundo Farisi. Dowoha kaowu Yesus nopombali bhe mesaloꞌino sewa bhe kodhosaꞌino maitu, dofeenamo ne anaguhuꞌino ambado, “Peda ae gahaꞌa, ingka gurumiu nopombali bhe mie kodhosa maitu?”

Markus 7:3

Kapaꞌamo miendo Farisi, pedamo dua miendo Yahudi sigaoꞌano, miina daomaaꞌa ane miinaꞌo daewanu kadeki ⸤ peda atorano agamando⸥ . Andoa dofintahaki sepaliꞌa adhatindo kamungkulaꞌindo.

Markus 9:16

Yesus nofeenadamo, “O ae gahaꞌa nepotaga-tagaliꞌaomiu bhe pande-pande Kitabi maitu?”

Lukas 18:11

Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

Lukas 19:7

Tamaka kosasawindo mie mohano kadhadhia aitu tadokomuntuꞌa ambado, “Ingka nobutu ne lambuno mie kodhosa.”

Lukas 5:17

Seꞌoleo tangasano Yesus nofofoinaꞌu nandoo seemie hodua miendo Farisi bhe pande-pande Kitabi dengkoha-ngkoha dofetingke pugauno. Andoa domaiꞌao ne sabhaha liwu ne kadieno Galilea, Yudea bhe Yerusalem. Kuasano Ompu nokabhinti Yesus sampe nembali nefekaꞌosa mie mosaki.

Lukas 5:21

Tamaka pande-pande Kitabi bhe miendo Farisi nokaduku we lalondo, “Laꞌae bhahaa mie aini pototoꞌaono wutono bhe Lahataꞌala? Laꞌae gahaꞌa so meꞌamponino dhosa ane paise wutono Lahataꞌala?”

Lukas 7:34

Pada anaꞌa Anano Manusia - Idimo ini - nohato nohumaa nofohoꞌu, ambamiu, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’

Lukas 7:39

Nowoha aitu, mieno Farisi bhasino Yesus naꞌa nokomuntumo we lalono, “Ane anoa ini kotu-kotuꞌu seemie anabii, tetewei namandeꞌaane laꞌae hobhine dumampasie ini, peda ae podiuno, ingka o mie kodhosa.”

Tula-tulando rasulu 23:9

Hompuꞌa anaꞌa sadhulu-dhulu kahobho. Pande-pande Kitabi maiꞌaono ne miendo Farisi doehemo maka dopotagali ambado, “Mie anoa ini miina sepaliꞌa nakokaꞌalaa! Kao-kaomo nandoo bhe rohi tawa malaꞌekati mugauno ne anoa.”