Lukas 5:17 - Muna Southern Dialect

¹⁷ Seꞌoleo tangasano Yesus nofofoinaꞌu nandoo seemie hodua miendo Farisi bhe pande-pande Kitabi dengkoha-ngkoha dofetingke pugauno. Andoa domaiꞌao ne sabhaha liwu ne kadieno Galilea, Yudea bhe Yerusalem. Kuasano Ompu nokabhinti Yesus sampe nembali nefekaꞌosa mie mosaki.

Lukas 5:17 Iomraidhean Croise

Matius 11:5

Kabunto suli dofowoha, mie kalu dekala-kala, kokuli modaino donggela, kapongke dofofetingke, mie mate suli dodadi bhe mie ngkumaasi-asi defebhihitaianda Bhihita Metaa.

Matius 15:1

Pada anaꞌa dohatomo miendo Farisi bhe pande-pande Kitabi maiꞌaono we Yerusalem. Andoa domai ne Yesus bhe dofeena ambado,

Markus 1:45

Tamaka mie aitu nolili netula-tulaꞌao kadhadhia amaitu, sampe Yesus miinamo naembali namesua weo liwu ane dowohae mie bhahi. Yesus taneatemo we molinoꞌano. Tamaka mie bhahi maiꞌaono ne sabhaha liwu sadhia domaiꞌie dua.

Markus 16:18

Ane daeintaha ule bhahaꞌi daohoꞌu hasu, pae daeꞌawa balaa. Ane datumei limando te wawono mie mosaki, mosakino aitu naoꞌosa.”

Markus 3:22

Pande-pande Kitabi maiꞌaono we Yerusalem dopugaumo dua ambado, “Anoa ini nopesuakiemo Beelsebul, Kafeompuꞌando seetani. Dadiꞌanomo ane nefolimba seetani nepake kuasano Kafeompuꞌando seetani.”

Markus 5:30

Yesus lasao nonamisi nandoo bhe kuasa lumimbaꞌano nomaiꞌao ne Anoa, maka nodoli ne mie bhahi bhe nopugau ambano, “Laꞌae gahaꞌa dumingkuno dhubaku ini?”

Markus 7:1

Sepaku miendo Farisi bhe pande-pande Kitabi maiꞌaono we Yerusalem domai dopoꞌawaꞌao Yesus.

Lukas 15:2

Miendo Farisi bhe pande-pande Kitabi dokamuntu-muntu ambado, “Pahasili, mie aini netahima mie kodhosa bhe nohumaa nopombali-mbalianda.”

Lukas 2:46

Nopooli tolu oleo dopoꞌawaanemo weo Lambuno Lahataꞌala, tangasano nengkoha-ngkoha ne wunta-wuntando guru agama. Anoa nofeti-fetingkeda bhe nofee-feena.

Lukas 5:21

Tamaka pande-pande Kitabi bhe miendo Farisi nokaduku we lalondo, “Laꞌae bhahaa mie aini pototoꞌaono wutono bhe Lahataꞌala? Laꞌae gahaꞌa so meꞌamponino dhosa ane paise wutono Lahataꞌala?”

Lukas 5:30

Miendo Farisi bhe pande-pande Kitabi dokamuntu-muntu ne anaguhuꞌino Yesus ambado, “Noafa gahaꞌa pombali-mbaliꞌaoꞌomu bhe mealaꞌino sewa bhe mie kodhosa maitu?”

Lukas 6:19

Kosasawindo mie humatono naꞌa doꞌulei lalondo damedampa Yesus, kapaꞌamo nandoo kuasa lumimbano ne Anoa sampe kosasawindo nofekaꞌosada.

Lukas 7:30

Tamaka miendo Farisi bhe pande-pande Kitabi doewangi patudhuno Lahataꞌala, mbaꞌinomo dongahe nakumadiuda Yohanes.

Lukas 8:46

Tamaka ambano Yesus, “Nandoo seemie dumingku kanau, kapaꞌamo anamisi bhe kuasa lumimbaꞌano maiꞌao ne wutoku.”

Yohanes 3:10

Ambano Yesus, “Hintu ini o gurundo miendo Israel, gahaꞌa miina lumosangiea medando aini?

Yohanes 3:21

Tamaka sasuka mie mangkafino kabanara namai ne kotilangaꞌano, neanomo natiwoha podiuno maitu nohabue noangkafi kapoindalono Lahataꞌala.”

Tula-tulando rasulu 19:11

Noangka ne limano Paulus, Lahataꞌala nefokonandoo sabhaha giu timenteꞌaono.

Tula-tulando rasulu 4:30

Fosampu kainsami kabarakatimu so daoꞌosaꞌao mie mosaki bhe fotiwoha giu timenteꞌaono bhe tanda tapa mentela weo neano Yesus palima-limamu mongkilono.”

Tula-tulando rasulu 5:34

Ne olotando Sahano Agama maitu nandoo seemie Farisi pande Kitabino Musa, neano Gamaliel. Anoa ini dofosibhalae dua mie bhahi. Nesalomo rasulu hoduano maitu damolimbada sebantaha.