Lukas 4:7 - Muna Southern Dialect

⁷ Dadiꞌanomo ane sumudhu tumaohao sombamu ne idi, kosasawiꞌae ini amaꞌangkoe hintu so fehebuaꞌamu.”

Lukas 4:7 Iomraidhean Croise

Matius 2:11

Hato dopesua weo lambu, dowohamo anaꞌi naꞌa bhe Maria inano. Andoa dosudhu dotaohao sombado ne anaꞌi naꞌa. Pada anaꞌa dolengkasi kahatoꞌaondo maka defoampe kawaꞌao, o bulawa, o dupa bhe mina-mina nekonando mur.

Lukas 17:16

Nohato nolongkomo ne aꞌeno Yesus maka nefoampe katumpuno lalono. Gahaꞌa mie anaꞌa miendo Samaria.

Lukas 4:6

Nopugaumo ne Yesus ambano, “Kosasawiꞌae kuasa bhe kahangkaeano ini amaꞌangkoe hintu, kapaꞌamo kosasawiꞌae ini padamo dowaꞌa kanaꞌe idi maka akokuasa dua amaꞌane ne mepoindaloku.

Lukas 4:8

Tamaka Yesus tanotobhoosi ambano, “Nandoo notibuhi weo Kitabi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ”

Lukas 8:28

Sanowoha Yesus nekei-keimo maka nosudhumo notaohao sombano bhe nopugau ampa kabhalano suahano, “O ae patudhumu ne idi ini, Yesus Anano Lahataꞌala foliuno kuasa? Aesalo mpuu koise fodee-dee kanaua.”

Powoha 22:8

Idi, Yohanes, metingkeno bhe mohano kosasawiꞌae ini. Pada afetingke bhe awohae kosasawiꞌae ini, aefodapa ne aꞌeno ataohao sombaku ne malaꞌekati mada motiwoha kanau kosasawiꞌae maitu.

Powoha 4:10

maka kamungkula haa fulu popaano naꞌa dosudhu defodapa ne wiseno Mengkohano te kaengkohaꞌa kumalabhiano maitu. Andoa dotaohao sombado ne Anoa dumadino ampa suhue dhamani naꞌa poowa dohunsa songko bulawando ne wiseno bhe dopugau ambado,

Powoha 5:8

Sanotahima kaluluno kitabi amaitu, mahaluku fato uluno bhe kamungkula haa fulu popaano maitu dolongko dotaohao sombado ne wiseno Anano Dhumba naꞌa. Andoa sanea meintahano kusapi bhe mangko bulawa noponoꞌao dupa; aituꞌaemo sambaheando umati mongkilono.