Lukas 4:42 - Muna Southern Dialect

⁴² Hato nomentae Yesus nokalamo we simbalino kota, we molinoꞌano. Gahaꞌa mie bhahi doꞌondofie. Hato dopoꞌawaane, doꞌuleimo lalondo desalo keana nohunsada.

Lukas 4:42 Iomraidhean Croise

Markus 1:45

Tamaka mie aitu nolili netula-tulaꞌao kadhadhia amaitu, sampe Yesus miinamo naembali namesua weo liwu ane dowohae mie bhahi. Yesus taneatemo we molinoꞌano. Tamaka mie bhahi maiꞌaono ne sabhaha liwu sadhia domaiꞌie dua.

Lukas 24:29

Tamaka andoa dofosuhue ambado, “Angkamo kadeki bhe insaodi sealo itu, ingka naohondomo; oleo nomaꞌomo nasumoo.” Dadiꞌanomo nopesuamo weo lambudo nabutu ne itu.

Lukas 6:12

Wakutuu anaꞌa Yesus nofonimo te kabhawo maka kosealoꞌae nosambahea ne Lahataꞌala.

Yohanes 4:34

Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

Yohanes 4:40

Dohato ne Yesus miendo Samaria maitu, desaloiꞌe naeate kadeki bhe andoa, sampe Yesus neate ne itu haa oleo kaomponanoa.

Yohanes 6:24

Gahaꞌa dopandeꞌaane kaowu Yesus bhe anaguhuꞌino miinadamo ne itu, andoa lasao dosawi ne bhangka andoa maitu maka dopolimba we Kapernaum doꞌondofi Yesus.