Lukas 4:34 - Muna Southern Dialect

³⁴ “Haa hintu Yesus miendo Nasaret! O ae patudhumu ne insaodi ini, mai mobinasa kainsami gahaꞌa? Apandeꞌaangko hintu itu mie mongkilo maiꞌao ne Lahataꞌala.”

Lukas 4:34 Iomraidhean Croise

Matius 8:29

Andoa dopokakei-kei ambado, “Anano Lahataꞌala, mai mafaꞌi kainsami gahaꞌa? Patudhumu maimo modee-dee kainsami, mahingga paeꞌo nahumato tempono?”

Markus 1:24

“O Yesus miendo Nasaret, o ae patudhumu ne insaodi ini? Mai mobinasa kainsami gahaꞌa? Apandeꞌaangko, Hintu itu mie mongkilono katuduno Lahataꞌala.”

Markus 1:34

Alo amaitu dobhahi sepaliꞌa mie meepesino sabhaha saki nefekaꞌosano, dobhahi dua seetani nefolimbano. Seetani andoa naꞌa miina namotolalada dopugau, mbaꞌinomo andoa dopandeꞌaane laꞌae Yesus maitu.

Markus 5:7

Mie aitu nokei nofekabhala-bhala, “Yesus Anano Lahataꞌala kokuasano! O ae patudhumu ne idi ini? Weo neano Lahataꞌala, koise fodee-dee kanau!”

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Lukas 4:33

Gahaꞌa weo lambu kasambaheaꞌa naꞌa nandoo seemie nepesuakino seetani. Mie naꞌa nokei nofekabhala-bhala ambano,

Lukas 4:41

Dobhahi dua seetani dolimba domaiꞌao ne mie bhe dokei ambado, “Hintumo Anano Lahataꞌala.” Yesus noꞌeleꞌaanda sepaliꞌa damugau, mbaꞌinomo dopandeꞌaanemo putae Yesus Omputo Fosalamatino.

Lukas 8:28

Sanowoha Yesus nekei-keimo maka nosudhumo notaohao sombano bhe nopugau ampa kabhalano suahano, “O ae patudhumu ne idi ini, Yesus Anano Lahataꞌala foliuno kuasa? Aesalo mpuu koise fodee-dee kanaua.”

Lukas 8:37

Pada naꞌa kosasawindo mie ne kadieno Gerasa maitu desalo ne Yesus nakumalamo napikihunsaꞌao liwundo, kapaꞌamo doteꞌi sepaliꞌa. Dadiꞌanomo Yesus nosawimo ne bhangka maka dahumela dasumuli kundodo.

Tula-tulando rasulu 16:39

Dadiꞌanomo domai desalo maꞌafu ne Paulus bhe Silas maka doowada we simbalino katohongku bhe desaloida mpuu dahumunsamo kota aitu.

Tula-tulando rasulu 2:27

Kapaꞌamo alusuku pae humunsae weo dhuniando mie mate, mbadhano bhatuamu mongkilono pae nahumansurua.

Tula-tulando rasulu 3:14

Anoa mie mongkilo bhe melaano lalo, tamaka hintimiu mongaheꞌieꞌomu maka mesaloomu ne Pilatus namolapaangkoomu mie kapongko-pongkono.

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.

Ibrani 2:14

Anaꞌi nepulaoꞌaono maitu saneamo manusia kombadha kasarano, maka Yesus nopototoꞌao wutono bhe andoa, nodadi peda seemie manusia. Kahabuꞌano peda anaꞌa, neanomo noangka ne mateno, Yesus nofobinasamo mintahano kuasano mate, o Kafeompuꞌano seetani.

Yakobus 2:19

Ingka parasaeaꞌomu Lahataꞌala Kaseemie-mieꞌano. Nokesa itua. Tamaka rohi modaino doparasaea dua anaꞌa sampe noguguda kateꞌindo.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.

Powoha 20:2

Malaꞌekati amaitu nohakomo naga, o ule ngkamukula, nekonando dua Kafeompuꞌando seetani bhe Kolakino rohi modai, maka nokatapue sehewu taꞌu kaomponano.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.