Lukas 4:25 - Muna Southern Dialect

²⁵ Amohatokoomu dua bhe pugauku ini nokotuꞌu, ne dhamanino anabii Elia o lani notisongko ⸤ miina nakoꞌusea⸥ tolu taꞌu nomo wula, maka kosekaꞌewaꞌae witeno Israel nofindaꞌie gaba bhalano. Wakutuu anaꞌa nobhahi hobhine ne Israel bhihinandano.

Lukas 4:25 Iomraidhean Croise

Matius 20:15

Paise naembalia bhahaa amake fehebuaꞌaku ampa kapoindaloku? Nokoula lalomu mbaꞌinomo netaa laloku?’ ”

Lukas 10:21

Wakutuumo dua aitu Yesus nowula lalono hampano nokabhintie Rohino Lahataꞌala, maka ambano, “Notumpu laloku ne Hintu, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie ndidiki tapa kokasikolano. Daanumo Ama, pedamo aitu kaposahasiꞌanomo lalomu.

Roma 9:15

Kapaꞌamo bhoasaono Lahataꞌala ne anabii Musa peda aini, “Amosampu rahamatiku ne laꞌae maka nepoindaloku, amotiwoha kabhelano laloku ne laꞌae maka nepiliku.”

Roma 9:20

Hintu itu manusia, laꞌae bhahaa hintu itu sampe mokado pobhalo bhe Lahataꞌala? Naembali bhahaa o nuꞌua napugau ne humabue, ambano, “Noafa gahaꞌa habu kanau peda aini?”

Efesus 1:11

Lahataꞌala nofokonandoo bhahi-bhahiꞌae noposahataa bhe kapoindalono bhe patudhuno Wutono. Mpini kabhao-bhaono nofopilimo bhe tokamo nofotantue daembali umatino hampano kaseꞌisentoomu bhe Kristus.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Yakobus 5:17

Anabii Elia ingka o manusia melaa dua, tanopototomo bhe intaodiomu. Hampano kakampuu-mpuuno nosambahea so pae nakoꞌuseꞌao, gahaꞌa daanumo miina sepaliꞌa nakoꞌuse ampa tolu taꞌu nomo wula.

Powoha 11:6

Andoa dokokuasa daekunsi lani keana nokoꞌuse tangasano dokosuaha peda anabii. Andoa dokokuasa dua ne sabhaha oe dabhaliiꞌe naembali hea, bhe dokokuasa dua daefosampu sabhaha balaa damepeki dhunia ini nafee-fee pakumo ampa kapoindalondo.