Lukas 4:23 - Muna Southern Dialect

²³ Yesus nopugaumo dua ne andoa ambano, “Teteweimo patudhumiu malenda kanauꞌomu peda ini, ‘Hintu foagono, fekaꞌosa wutomu! Ingka padamo tafetingke mehabu sabhaha tanda timenteꞌaono we Kapernaum; dadiꞌanomo habue dua ne liwu kamaiꞌaoꞌamu ini.’ ”

Lukas 4:23 Iomraidhean Croise

Matius 13:54

Sahatono we liwu kamaiꞌaoꞌano, nofofoinaꞌumo weo lambu kasambaheaꞌa. O mie tadomente bhe dopugau ambado, “Nomaiane ne amai bhahaa sabhaha kapande bhe kuasano nehabu giu timenteꞌaono maitu?

Matius 4:13

Anoa nohunsamo Nasaret maka neate we Kapernaum, seꞌonu liwu ne wiwino teꞌino Galilea, we kadieno Zebulon bhe Naftali.

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Markus 6:1

Nomaiꞌao ne itu Yesus nosulimo we liwuno, doangkafie dua anaguhuꞌino.

Lukas 2:39

Nopalusi doalaꞌi kosasawiꞌae tutuha maraluuꞌano peda pahintano Ompu, dosulimo we liwu kaeateꞌando, liwuno Nasaret we kadieno Galilea.

Lukas 2:51

Pada aitu Yesus nosulimo we Nasaret nopoowa-owa bhe kamungkulano. Ne itu Yesus sadhia neangka ne kamungkulano. Inano tanofekataa sabhaha kadhadhia amaitu weo totono lalono.

Lukas 4:16

Yesus nohato dua we Nasaret, liwunomo ampa nobhala. Peda kaneano ne oleono Sabat nopesuamo weo lambu kasambaheaꞌa maka noehe naebasa Kitabi.

Lukas 4:31

Pada aitu Yesus nosampumo we Kapernaum, seꞌonu kota we kadieno Galilea maka ne oleono Sabat nofofoinaꞌu ne itu.

Lukas 4:35

Tamaka Yesus nohandapie ambano, “Koise mohobhoa, limbaꞌo toha maiꞌao ne mie aini!” Gahaꞌa seetani anaꞌa nohambitaꞌiao mie aitu ne wunta-wuntando mie bhahi maka nolimba bhe miina namekolea-leaꞌiea.

Lukas 6:42

Peda ae dua pugauꞌao ne bhahitiemu, ‘Bhahitie, mai amaliangko kanenano habha weo matamu itu’, gahaꞌaitu kakebhano sau weo matamu miina mohaea. Hintu mie mehaaꞌulano! Alimo kadeki kakebhano sau weo matamu itu, so nentaleaꞌao umondo maka mali kanenano habha weo matano bhahitiemu.”

Yohanes 4:28

Gahaꞌa hobhine amaitu nohunsamo kaiꞌino lasao nokala we kota nofohato miendo kota.

2 Korintus 5:16

Dadiꞌanomo ampa aitu insaodi miinamo taetiliki kamanusiando mie bhai mani. Daanumo endefiꞌini tatilikie dua kamanusiano Kristus, tamaka haꞌoleo ini miinamo.