Lukas 4:22 - Muna Southern Dialect

²² Kosasawindo mie naꞌa doꞌuumbetie, domenteꞌao pugau mokesa nekobhoasaꞌaono. Ambado, “Ingka anoa ini anano Yusuf.”

Lukas 4:22 Iomraidhean Croise

Lukas 2:47

Kosasawindo metingkeno domenteane sepaliꞌa kapandeno bhe katobhoosino.

Lukas 2:48

Sadowohae kamungkulano tadotonto, maka nopugau inano ambano, “Noafa kaꞌasi habu kainsami peda itu, anaku? Amamu bhe idi sakenda handa mani taꞌondofiko.”

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Lukas 4:21

Netandakimo nofoinaꞌuda ambano, “Seꞌoleo itu aeatino Kitabi ini nokoꞌulamo wakutuuno fetingkeeꞌomu.”

Yohanes 1:45

Filipus noꞌondofimo Natanael maka nofohatoe, “Insaodi padamo tapoꞌawa bhe mie nepulaoꞌaono anabii Musa weo Kitabino bhe nepulaoꞌaondo anabii sigaoꞌano. Neano Yesus, anano Yusuf nomaiꞌao we liwuno Nasaret.”

Yohanes 6:42

Ambado, “Anoa ini ingka Yesus anano Yusuf, inano bhe amano ingka dopandeꞌaaneomu. Noafaꞌao dua nopugau, ‘Idi ini asampu amaiꞌao te surugaa?’ ”

Yohanes 7:46

Dotobhoosimo dhaga andoa maitu ambado, “Miinaꞌo nandumandoo seemie manusia pugauno medando mie amaitu!”

Tula-tulando rasulu 6:10

Tamaka andoa ini miina datumanggoa doewangi pugauno Stefanus, hampano Rohino Lahataꞌala maꞌane kapande.

Titus 2:8

pugaumu tabeano nabanara sampe pae bhe kapoolia damoꞌalako. Ane nada anaꞌa kaewamu tadaoambanoꞌaomo wutondo, hampano miina bhe modaiꞌano so dafoꞌumbuꞌao.