Lukas 3:8 - Muna Southern Dialect

⁸ Dadiꞌanomo fotiwohaomu ne podiumiu ingka gahaꞌa fetompaanemoomu dhosamiu. Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei dasumalamati⸥ .’ Kapaꞌamo amohatokoomu, Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Lukas 3:8 Iomraidhean Croise

Matius 21:43

Dadiꞌanomo, amohatokoomu, hakumiu weo Kafopahintaꞌano Lahataꞌala namalae Lahataꞌala, maka namaꞌandae bansano liwu sigaoꞌano so dhumalangino pahintano.

Matius 3:8

Dadiꞌanomo fotiwohaeꞌomu ne podiumiu, ingka gahaꞌa fetompaanemoomu dhosamiu.

Matius 3:9

Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei tasumalamati⸥ ’. Kapaꞌamo Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Lukas 13:25

Nahumato kaowu kolambuno namehemo maka naꞌumonto fointono, hintimiu tameehe-ehemoomu we simbali, mekate-katengkiomu fointo bhe pugauꞌomu, ‘Waompu, lengka kainsami fointo!’ Tamaka anoa tanamugau ambano, ‘Miina amandeꞌaangkoomua maiꞌaoꞌomu ne amai.’

Lukas 13:26

Maka ambamiu dua, ‘Insaodi pada tahumaa tafohoꞌu tapombali bhe hintu, ingka hintu dua padamo fofoinaꞌu we kaangkaꞌano liwu mani.’

Lukas 14:9

Ane nada naꞌa bheanea kolambuno bhasikoomu kohoduamiu naꞌa namai namohatoko, ‘Aesalo maafu, kaengkohaꞌamu ini so mie amaitu.’ Nada kaowu anaꞌa hintu moambanomo, pakade kumalamo mengkoha ne kaengkohaꞌa we kundo-kundo.

Lukas 19:40

Notobhoosimo Yesus, “Amohatokoomu, ane andoa ini pae dakadiu-diu, tetewei o kontu ini so pokakei-keino.”

Lukas 19:9

Ambano Yesus, “Seꞌoleo itu mieno polambu aini detahimamo kasalamati, hampano mie aini sampuꞌano dua Abraham.

Lukas 5:21

Tamaka pande-pande Kitabi bhe miendo Farisi nokaduku we lalondo, “Laꞌae bhahaa mie aini pototoꞌaono wutono bhe Lahataꞌala? Laꞌae gahaꞌa so meꞌamponino dhosa ane paise wutono Lahataꞌala?”

Yohanes 8:33

Ambado, “Insaodi ini ingka sampuꞌano Abraham, pakade miinaꞌo sepaliꞌa taembali bhatuando mie. Noafaꞌao dua pugauꞌao putae insaodi damobebasi kainsami?”

Yohanes 8:39

Andoa dotobhoosimo ambado, “Ama mani ingka Abraham.” Ambano Yesus, “Ane hintimiu kotu-kotuꞌu sampuꞌano Abraham, teteweimo mangkafiomu dua nehabuno Abraham.

Tula-tulando rasulu 26:20

Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Roma 4:16

Kanandooꞌanomo dhandino Lahataꞌala nengkoha ne kaparasaea, neanomo naentalea putae dhandi maitu o kawaꞌaono Lahataꞌala bhe tetewei nokantaa-ntaa so kosasawindo sampuꞌano Abraham, suano kaowu so mie dumadino weo tubhono agama Yahudi, tamaka so kosasawindo mie dumadino weo kaparasaea, peda kaparasaeano wutono Abraham. Ingka anoamo awuanto kosasawintoomu ini.

Roma 9:7

Pedamo dua suano kosasawindo anano Abraham, kotu-kotuꞌu notilentu sampuꞌano Abraham. ⸤ Kapaꞌamo weo Kitabi notibuhi peda aini,⸥ “Ampamo anaꞌino Ishak tilentuno sampuꞌamu.”

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.