Lukas 3:11 - Muna Southern Dialect

¹¹ Notobhoosimo Yohanes ambano, “Kobhadhuno haa tuwu, nasetuwu waꞌane tapa kobhadhuno, koꞌotino dawue nada naꞌa dua.”

Lukas 3:11 Iomraidhean Croise

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Lukas 11:41

Ampamo kaowu, iꞌino kampomaaꞌa bhe kampohoꞌuꞌa tabeano podawu-dawuomu dua bhe mie mokae. Ane nada anaꞌa naonggelamo kosasawiꞌae, naetaa mbadhamiu naetaa totono lalomiu.

Lukas 18:22

Nofetingke peda naꞌa Yesus nopugaumo ambano, “Tadua sehonda so nedhalangimua, asoe sabhaha fehebuaꞌamu, olino dawu-dawuandae mie mokae maka meꞌawa arataa te surugaa. Mada anaꞌa maimo angkafi kanau!”

Lukas 19:8

Palusi anaꞌa Zakeus noehemo maka nopugau ne Ompu ambano, “Ompu, naselabunta kanandooku ini adumawuandae mie mokae. Pakade ane nandoo mie nebhohe-bhoheꞌiku, kahugindo abhoosie nafato lentuꞌa.”

Yohanes 13:29

Hampano Yudas mintahanomo kaenteiꞌano dhoindo, nandoo kofekihino putae Yesus notudue nakoniꞌoli so kafaraluundo haroando naꞌa, tawa nakoniwaꞌao ne mie mokae.

Tula-tulando rasulu 10:2

Anoa ini mie lumebe, koseꞌonu lambudo doteꞌi ne Lahataꞌala. Anoa nobhahi pakuno netulumi miendo Yahudi mokaeno bhe sadhia dua nosambahea ne Lahataꞌala.

Tula-tulando rasulu 10:31

Ambano mie anaꞌa, ‘Kornelius, sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

Tula-tulando rasulu 10:4

Kornelius noꞌondo malaꞌekati aitu maka nofeenaꞌao kateꞌi, “O ae bhahaa Ompu?” Ambano malaꞌekati naꞌa, “Kosasawiꞌae sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

Efesus 4:28

Moneano mosibuno, koemo nosibua, tamaka nakumahadhaa kagiu metaa so kadadiꞌano, neanomo naembali dua natumulumi mie mokae.

1 Timotius 6:17

Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

Ibrani 6:10

Lahataꞌala suano Lahataꞌala tapa umadhilinoa. Ingka pae naolimpuꞌaanea sabhaha kahadhaa bhe kanini kaasimiu ne Anoa nefotiwohamiu wakutuuno ondofaoꞌomu umati marasaeano endefiꞌini taꞌampamo aitu.

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.

Yakobus 2:14

Bhahitieꞌiku, o ae fahalaano seemie napugau, “Idi ini mie marasaeano,” gahaꞌaitumo miina nadhumalangie weo habuno? Nasumalamatiane bhahaa kaparasaea medando naꞌa?

1 Yohanes 3:17

Ane seemie dumadino weo kanandoo, nowoha bhahitieno nokae tamaka notiꞌonto totono lalono, nokiido natumulumie, nada amai gahaꞌa kanini kaasino Lahataꞌala naeate weo totono lalono?

1 Yohanes 4:20

Ane bhe mugauno, “Aoasiꞌao Lahataꞌala,” tamaka nobansi bhahitieno, mie aitu nekabuangka. Ane mie miina naoasiꞌao bhahitieno newohano, nada amai bhahaa naoasiꞌao Lahataꞌala tapa newohano?