Lukas 24:48 - Muna Southern Dialect

⁴⁸ Hintimiumo sakusii so mefoleleno bhihitano kadhadhia aini.

Lukas 24:48 Iomraidhean Croise

Yohanes 15:27

Pedamo dua hintimiu, tetewei dua sumakusii kanauꞌomu, kapaꞌamo pobhai kanauꞌomu mpini kabhao-bhaono.”

Tula-tulando rasulu 1:22

notanda nofokadiu Yohanes ampa nohunsa kainsami Yesus ne oleo katisangkeꞌano te surugaa.”

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 10:39

Insaodimo ini sakusiino sabhaha nehabuno we witeno Yudea bhe we Yerusalem, tamaka dopongkoe, dokantaiꞌe te sau salipu.

Tula-tulando rasulu 10:41

Ampamo kaowu mohae suano sabhaha miea, tamaka sakusii nepilino wawo Lahataꞌala, insaodimo ini. Insaodi tahumaa tafohoꞌu tapombali-mbali bhe Anoa palusi kawanuꞌano maiꞌao ne mate.

Tula-tulando rasulu 13:31

Nomampona-mpona dua nofotiwoha Wutono ne mie pobhaiane domaiꞌao we Galilea ampa we Yerusalem. Andoamo ini membalino sakusii ne miendo Israel ampa aitu.

Tula-tulando rasulu 2:32

Nepulaoꞌaono Daud naꞌa o Yesus, nefowanuno Lahataꞌala nomaiꞌao ne mate. Kosasawiꞌa mani ini mohaꞌaono wuntano mata mani kadhadhia anaꞌa.

Tula-tulando rasulu 22:15

Kapaꞌamo hintu ini membalino sakusii, newohamu bhe nefetingkemu naꞌa mosampeandae sabhaha mie.

Tula-tulando rasulu 3:15

Anoamo fowaꞌaono dadi, gahaꞌa pongkoemoomu. Tamaka Lahataꞌala nofowanue nomaiꞌao ne mate. Insaodimo ini mohaꞌaono wuntano mata mani kadhadhia anaꞌa.

Tula-tulando rasulu 4:33

O rasulu dosakusiiꞌao putae Ompu Yesus nowanumo maiꞌao ne mate. Pugaundo noponoꞌao kuasa. Kosasawindo marasaeano nobarakatida mpuu Lahataꞌala.

Tula-tulando rasulu 5:32

Insaodimo ini sumakusiiꞌaono sabhaha kadhadhia naꞌa, insaodi bhe Rohino Lahataꞌala. Rohino Lahataꞌala ini nowaꞌandae Lahataꞌala ne kosasawindo mie mangkafino pahintano.”

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.