Lukas 24:44 - Muna Southern Dialect

⁴⁴ Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Lukas 24:44 Iomraidhean Croise

Matius 1:22

Aini nokadhadhia mbali nokoꞌulaꞌao bhoasaono Ompu nefosampeno anabii peda aini,

Matius 16:21

Notandamo wakutuu anaꞌa Yesus nofohatomo anaguhuꞌino mentalea-mentalea, putae Anoa tetewei nakumala we Yerusalem. Ne itu naobhahi naeꞌawa kakadee-dee maiꞌao ne kamungkulaꞌi, neangkaꞌindo imamu bhe pande-pande Kitabi. Andoa damongkoe, tamaka ne katolu oleono namanu namaiꞌao ne mate.

Matius 26:54

Taꞌampamo kaowu ane nada naꞌa, ingka pae nakoꞌulaa tibuhiꞌano weo Kitabindo anabii putae tetewei nakumadhadhia peda aini.”

Matius 26:56

Ampamo kaowu kosasawiꞌae ini nokadhadhia so nokoꞌulaꞌao tibuhiꞌano weo Kitabindo ana-anabii.” Pada aitu kosasawindo anaguhuꞌino dofileimo tadohunsae nomoisa.

Markus 9:31

mbaꞌinomo nandoo nofoinaꞌu anaguhuꞌino. Ambano, “Anano Manusia - Idimo ini - damowae ne limando mie kokuasano, maka damongkoe. Tamaka ne katolu oleono nadumadimo toha.”

Lukas 21:22

Kapaꞌamo anaꞌa temponomo kahukumu maiꞌao ne Lahataꞌala, somo nakoꞌulaꞌao kosasawiꞌae tibuhino weo Kitabi.

Lukas 22:37

Kapaꞌamo amohatokoomu, aeatino Kitabi tetewei nakoꞌulamo ne Idi peda ini, ‘Anoa notilentu mie modai.’ Hampano sabhaha tibuhino mulaoꞌaono Idi napikikoꞌulamo.”

Lukas 24:46

Ambano toha, “Notibuhi peda ini: Mesias Omputo Fosalamatino tetewei naenamisi kakadee-dee bhe namanu maiꞌao ne mate ne katolu oleono.

Lukas 9:22

Nopugaumo Yesus ambano, “Anano Manusia tetewei nabhahi naenamisi kakadee-dee bhe dabansie kamu-kamungkulaꞌi, neangkaꞌindo imamu bhe pande-pande Kitabi, damongkoe maka ne katolu oleono namanu namaiꞌao ne mate.”

Lukas 9:44

ambano, “Taꞌoomu tingalamiu, tandaiꞌeomu pugauku ini. Anano Manusia daowae ne kuasano manusia.”

Yohanes 3:14

Tapedamo anabii Musa nefopika ule tambaga ne sau maka nosangkee nofekalangkee we pandaso bhalano, nadamo dua anaꞌa Anano Manusia tetewei dasumangkee damekalangkee,

Yohanes 5:39

Hintimiu poguhuꞌaoꞌomu Kitabindo anabii, kunaꞌemiu peda aitu so kaeꞌawaꞌamiu dadi suhue dhamani. Gahaꞌaitu Kitabi andoa naꞌa nosakusiiꞌao Idi.

Yohanes 5:46

Ane kotu-kotuꞌu marasaeaꞌomu ne anabii Musa, tetewei marasaeaꞌomu dua ne Idi, kapaꞌamo nebuhino anabii Musa nopulaoꞌao Idi.

Tula-tulando rasulu 13:33

nokoꞌulamo ne intaodiomu sampuꞌando. Kapaꞌamo Yesus nofowanuemo nomaiꞌao ne mate peda tibuhiꞌano weo Laguno Daud kahaa iseno, ⸤ Ambano Lahataꞌala⸥ , ‘Hintu anaku! Akoanaꞌaangkomo oleo itu.’

Tula-tulando rasulu 13:40

Dadiꞌanomo posiꞌondoomu keana nokantibhakoomu tibuhiꞌano weo Kitabindo ana-anabii peda aini,

Tula-tulando rasulu 2:27

Kapaꞌamo alusuku pae humunsae weo dhuniando mie mate, mbadhano bhatuamu mongkilono pae nahumansurua.

Tula-tulando rasulu 3:18

Ampamo kaowu pedamo anaꞌa Lahataꞌala nofekakoꞌula nekobhoasaꞌaono endefiꞌini. Bhoasaono naꞌa nofosampeandae ana-anabii, putae Mesias Omputo Fosalamatino maitu tetewei nakumadee-dee.

Tula-tulando rasulu 7:37

Anoamo dua ini mugauno ne miendo Israel, ‘Namada kaowu Lahataꞌala naefoeheangkoomu seemie anabii peda idi ini namaiꞌao ne bhahitieꞌimiu.’

Ibrani 10:1

Weo Kitabino anabii Musa notiwoha dandahano sabhaha metaaꞌano so humatono te wise, tamaka suanoꞌo kasalamati mpuuno. Dadiꞌanomo noangka ne kapopanga nefendu-fendua setaꞌu-setaꞌu, tubhono agama Yahudi pae bhe kapoolia namosangka totono lalondo mie maino sumambaheano maitu.

Ibrani 3:5

Anabii Musa daanumo notuhu lalono peda seemie palima-lima weo polambuno Lahataꞌala, pugauno bhe kahadhaano nofosusuꞌao so nekobhoasaꞌaono Ompu mada kaowu.

Ibrani 7:1

Melkisedek ini omputo ne kotano Salem, nembali dua imamuno Lahataꞌala Foliuno kalangke. Wakutuuno Abraham nosuli maiꞌao ne popahisaꞌa bhe notalo omputo ⸤ lidimano maiꞌaono te mata oleo⸥ , nosumpuiꞌe Melkisedek. Pada anaꞌa Melkisedek nobarakatimo Abraham.

Ibrani 9:8

Noangka ne atora aini Rohino Lahataꞌala nofekantaleaꞌiemo putae ane Boloku Mongkilo sadaa-daaꞌe, ingka kaangkaꞌa damesua weo Boloku Foliuno Kangkilo miinaꞌo natilengkaa.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”