Lukas 24:26 - Muna Southern Dialect

²⁶ Ingka Mesias Omputo Fosalamatino tetewei naenamisi kadeki kosasawiꞌae maitu so namehapiꞌao kakalabhiano.”

Lukas 24:26 Iomraidhean Croise

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Lukas 24:46

Ambano toha, “Notibuhi peda ini: Mesias Omputo Fosalamatino tetewei naenamisi kakadee-dee bhe namanu maiꞌao ne mate ne katolu oleono.

Lukas 24:7

ambano: Anano Manusia tabeano daowae ne limando mie kodhosa maka dakumantaiꞌe te sau salipu, bhe ne katolu oleono namanumo maiꞌao ne mate.”

Yohanes 2:22

Nopalusi kawanuꞌano nomaiꞌao ne mate, kaneꞌomo anaguhuꞌino dofeꞌulaiꞌe pugauno maitu. Dadiꞌanomo doparasaeamo ne wambano Kitabi bhe wambano Yesus.

Yohanes 20:9

kapaꞌamo kaomponano ini miinaꞌo dalumosangiea wambano Kitabi putae Yesus tetewei namanu namaiꞌao ne mate.

Tula-tulando rasulu 17:3

Nomaiꞌao ne aeatino Kitabi naꞌa notalesaandae bhe nofotiwohaandae putae Mesias tetewei nakadee-dee bhe namanu namaiꞌao ne mate. Ambano, “Yesus nefohatoꞌaoku ini, Anoamo Mesias, Omputo Fosalamatino naꞌa.”

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.