Lukas 23:5 - Muna Southern Dialect

⁵ Tamaka andoa maitu dhulu kaꞌosa dowadhumpae ambado, “Anoa ini nehabu kahunggano liwu, raꞌeati ne Yudea kosekadieꞌae nowudhuanda kafoinaꞌuno, notanda we Galilea ampa we ini.”

Lukas 23:5 Iomraidhean Croise

Matius 11:1

Nopalusi nofohato anaguhuꞌino ompulu hoduano naꞌa, Yesus nohunsamo liwu aitu maka nokala nofofoinaꞌu bhe nefolele Bhihita Metaa ne liwu-liwu momaꞌoꞌano ne itu.

Matius 2:1

Yesus nolente we liwuno Betlehem we kadieno Yudea ne dhamanino kolaki Herodes. Gahaꞌa dohatomo we Yerusalem seemie hodua mie mande maiꞌaono te mata oleo. Andoa ini dopoguhuꞌao waweno sabhaha kulipopo.

Matius 27:24

Pilatus nopandeꞌao lalono sabhaha dhala paemo nakofahalaaꞌa, pakade mie bhahi maitu kao-kaomo daehabumo kahungga. Dadiꞌanomo nealamo oe maka newanu ne wisendo mie bhahi bhe nopugau ambano, “Miina akokaꞌala ne heano mie aini; nopulimo ne wutomiu.”

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Markus 1:14

Notitohongku kaowu Yohanes, Yesus nokalamo we Galilea. Nefolele Bhihita Metaa maiꞌaono ne Lahataꞌala.

Lukas 11:53

Nokala kaowu nomaiꞌao ne itu pande-pande Kitabi bhe miendo Farisi dopoewangianemo sepaliꞌa bhe doangka-angkafiane kansuhu sabhaha kafeena.

Lukas 23:23

Tamaka dowadhumpae kansuhu bhe dokei desalo Yesus dakumantaiꞌe te sau salipu. Panda-pandano dofotaloꞌaomo keindo.

Lukas 23:6

Sanofetingke peda maitu Pilatus nofeenamo bhahaꞌi Yesus maitu mieno Galilea.

Yohanes 1:43

Hato nomentae Yesus neꞌonumo lalono nokala we kadieno Galilea. Ne naꞌa nopoꞌawa bhe Filipus maka nosaliꞌie, “Mai angkafi kanau!”

Yohanes 19:15

Gahaꞌa andoa tadopokakei-keimo ambado, “Pongkomo, pongkomo! Kantaiꞌe te sau salipu!” Ambano Pilatus, “Omputomiu akumantaiꞌe te sau salipu?” Dotobhoosimo neangkaꞌindo imamu, “Miina bhe omputo mani, mpahinomo Omputo Kaisar!”

Yohanes 2:11

Kadhadhia aini tanda timenteꞌaono kabhao-bhaonomo nehabuno Yesus; nokadhadhia we liwuno Kana kadieno Galilea. Pedamo aini Yesus nofotiwoha kakalabhiano sampe anaguhuꞌino doparasaeaꞌemo.

Yohanes 7:41

Ambado dua sigaoꞌano, “Anoa ini Mesias Omputo Fosalamatino.” Tamaka ambado dua sigaoꞌano, “Kunaꞌemiu o Mesias namaiꞌao we Galilea gahaꞌa?

Yohanes 7:52

Ambado, “Gahaꞌa hintu ini mieno Galilea dua? Soba lengka Kitabi itu! Ne itu mandeꞌaanemo miina nandumandoo seemie anabii maiꞌaono we Galilea.”

Tula-tulando rasulu 10:37

Ingka pandeꞌaanemoomu dua sabhaha kumadhadhiaꞌano we witeno Yudea, notanda we Galilea nopalusi kakadiu nehatoꞌaono Yohanes.

Tula-tulando rasulu 23:10

Nodhulu kaꞌosa kapowengkendo sampe panglima noteꞌimo bhahasaa dogogawi Paulus. Dadiꞌanomo netudumo tantara dasumampu daꞌumuleiꞌe maka dasumuliane te bente.

Tula-tulando rasulu 5:33

Dofetingke pugau anaꞌa, nolea sepaliꞌa lalondo Sahano Agama, sampe dokopatudhu damongkoda.

Tula-tulando rasulu 7:54

Sadofetingke pugauno Stefanus naꞌa kamungkulaꞌi Sahano Agama pasae dokansuꞌue atendo sampe dokuꞌi bhe nau-naundo.

Tula-tulando rasulu 7:57

Maka kamungkulaꞌi dopokakei-kei bhe doꞌopi tingalando, lasao dosilumpa-lumpakiꞌae.