Lukas 22:42 - Muna Southern Dialect

⁴² Ambano, “Amaku, ane umunda fogampi kanaꞌe sabhaha kakadee-dee so netompaloiku, ampamo kaowu suano kapoindaloku tamaka kapoindalomu so kumadhadhiaꞌano.”

Lukas 22:42 Iomraidhean Croise

Matius 11:25

Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano.

Matius 11:26

Daanumo Ama, pedamo aitu kaposahasiꞌanomo lalomu.

Matius 20:22

Tamaka Yesus tanotobhoosi ambano, “Ingka miina mandeꞌaaneomua uluꞌano kamesalomiu itua. Mondoiꞌeomu bhahaa mohoꞌuomu ne kampohoꞌuꞌaku?” Ambado, “Tamondoiꞌe.”

Matius 26:39

Yesus nopansuhu seendai te wise maka nolongko ne wite nosambahea ambano, “Ama, ane naembali fogampi kanaꞌe kasabha so netompaloiku itu, ampamo kaowu koise angkafi kapoindaloku tamaka taꞌampamo kapoindalomu.”

Matius 26:42

Fendua toha nokala nosambahea ambano, “Ama, ane kasabha aini pae naembali mogampie, tamaka tetewei atumompaloiꞌe, taꞌampamo kapoindalomu so kumadhadhiaꞌano.”

Matius 26:44

Miinamo nadumiu-diuda, tanokalamo toha nosambahea, kakapono tolu paku. Sambaheano nopototo bhe saꞌituini.

Matius 6:10

Nohatoꞌo toha Kafopahintaꞌamu, nokoꞌulaꞌo toha patudhumu we dhunia ini peda te surugaa.

Markus 14:36

Ambano, “O Aba, Amaku, sanea membaliꞌano so Hintu. Fogampi kanau kampohoꞌuꞌa so kafohoꞌuꞌaku ini. Ampamo kaowu koise angkafi kapoindalokua, tamaka taꞌampamo kapoindalomu.”

Lukas 23:34

Nopugaumo Yesus ambano, “Ama, amponida kapaꞌamo miina damandeꞌaanea nehabundo.” O tantara dodawu-dawumo pakeano, dopodaduane mbali notipandeꞌaoane dawuno seemie-seemie.

Yohanes 18:11

Nopugaumo Yesus ne Petrus ambano, “Pusoloe kampuemu itu! Ingka tetewei Idi aohoꞌu ne kampohoꞌuꞌa kawaꞌaono Amaku.”

Yohanes 4:34

Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

Yohanes 5:30

Idi miina akonipoolia maiꞌao ne kuasaku Wutoku, Idi afobhotusi noposahataa bhe nefetingkeku ne Amaku. Kabhotusiku noꞌadhili kapaꞌamo miina amangkafi kapoindaloku Wutoku, tamaka kapoindalono Tumudu kanau.

Yohanes 6:38

Kapaꞌamo kasampuꞌaku amaiꞌao te surugaa paise ahumabu kapoindaloku Wutoku, tamaka ahumabu kapoindalono Tumudu kanau.

Tula-tulando rasulu 21:14

Miina kaowu nametingke kamesalo mani naꞌa, miinamo takodiua. Amba mani, “Hunsaꞌanomo kapoindalono Ompu so kumadhadhiaꞌano!”