Lukas 22:41 - Muna Southern Dialect

⁴¹ Palusi aitu nofogaati wutono nape sekakulambiꞌa kakodoꞌono, nofongkohamo tuuno maka nosambahea.

Lukas 22:41 Iomraidhean Croise

Matius 26:39

Yesus nopansuhu seendai te wise maka nolongko ne wite nosambahea ambano, “Ama, ane naembali fogampi kanaꞌe kasabha so netompaloiku itu, ampamo kaowu koise angkafi kapoindaloku tamaka taꞌampamo kapoindalomu.”

Markus 14:35

Yesus nopansuhu te wise seendai maka nolongko ne wite bhe nosambahea. Nesalo ane naembali tempono kakadee-dee amaitu tanalumaloiꞌe.

Lukas 18:11

Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

Lukas 18:13

Tamaka mealano sewa naꞌa neehe-ehe se mokodoꞌoꞌano, bhe miina naokadoa natumotohana. Anoa tanotofa-tofa mbadhano kaꞌosano sosono bhe nopugau, ‘O Lahataꞌala, mobhela kanau lalo, idi mie kodhosano ini.’

Tula-tulando rasulu 20:36

Pada nopugau peda maitu Paulus bhe kosasawindo dosefongko-fongkohaꞌamo tuundo maka dosambahea.

Tula-tulando rasulu 21:5

Tamaka nohato kaowu tempono, tapansuhumo. Mie marasaeano ne itu mahingga hobhineꞌi bhe anaꞌindo doato kainsami ampa we simbalino kota. Tahato we wiwino teꞌi tafongkohamo tuu mani maka tasambahea.

Tula-tulando rasulu 7:60

Poangka nofongkoha tuuno nokeimo fekabhala-bhala, “Ompu, koise fotongkuandae dhosa aini!” Palusi nopugau peda naꞌa, nobhotumo inawano. Saulus noꞌunda dua Stefanus dopongkoe.

Tula-tulando rasulu 9:40

Tamaka Petrus notududa dalumimba kosasawindo maka nofongkoha tuuno nosambahea. Pada anaꞌa nodolimo ne maeati maitu maka nopugau, “Tabita, wanuꞌo toha!” Tabita nofowulamo matano. Sanowoha Petrus, lasao nowanu nengkoha.

Ibrani 5:7

Weo dadino peda seemie manusia, Yesus padamo nefoampe sambahea bhe kamesalo ne Lahataꞌala poowa nokei nopontuhufi bhe luuno, ingka Lahataꞌala kokuasano mosalamatie maiꞌao ne mate. Hampano kalebeno dadino, Lahataꞌala nofetingkee.