Lukas 22:36 - Muna Southern Dialect

³⁶ Ambado, “Miina sepaliꞌa.” Ambano toha Yesus, “Tamaka aitu laꞌae kokadu-kaduno dhoino tetewei nawowoꞌe, pedamo dua anaꞌa kobhakuno. Maka laꞌae tapa kokampueno naetaa naeaso pakeano maka naeꞌoli kampue.

Lukas 22:36 Iomraidhean Croise

Matius 10:10

Koise dua mewowoꞌoomu bhaku so we laano sala, koise mewowoꞌoomu bhadhu nahaa tuwu, koise mepakeomu kaampini tawa katuko, kapaꞌamo mie kumahadhaa nopantasi naꞌumawa ponambono.

Lukas 22:35

Pada anaꞌa nofeenadamo ambano, “Wakutuuno atudukoomu paise mewowoꞌomu kadu-kaduno dhoi, bhaku tawa kaampini, bhahaa mokaeꞌaoꞌomu ae?”

Lukas 22:37

Kapaꞌamo amohatokoomu, aeatino Kitabi tetewei nakoꞌulamo ne Idi peda ini, ‘Anoa notilentu mie modai.’ Hampano sabhaha tibuhino mulaoꞌaono Idi napikikoꞌulamo.”

Lukas 22:38

Dopugaumo anaguhuꞌino, “Ingka nandoo kampue ne ini haa mata.” Ambano Yesus, “Netaamo.”

Yohanes 15:20

Feꞌulaiꞌeomu pugauku ne hintimiu, ‘Seemie bhatua paise namoliu kafeompuꞌano.’ Ane damodee-dee kanau, tetewei dua damodee-deekoomu; ane damangkafi kafoinaꞌuku, tetewei dua damangkafi kafoinaꞌumiu.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

1 Tesalonika 3:4

Nandoo kainsami bhe hintimiu, tafohatokomoomu wawo, intaodiomu ini daeꞌawaomu kakadee-dee. Ampa aitu ingka daanumo nokoꞌulamo.

1 Petrus 4:1

Mbadha kamanusiano Kristus nenamisi kakadee-dee, dadiꞌanomo hintimiu dua tetewei fekamatangka fekihimiu so nohelasiꞌao kumadee-deeꞌomu. Kapaꞌamo mie madano menamisino kakadee-deeno mbadha, nokukundomo dhosa.