Lukas 22:33 - Muna Southern Dialect

³³ Ambano Petrus, “Ompu, aꞌundamo atitohongku bhe amate apoowa bhe Hintu!”

Lukas 22:33 Iomraidhean Croise

Matius 20:22

Tamaka Yesus tanotobhoosi ambano, “Ingka miina mandeꞌaaneomua uluꞌano kamesalomiu itua. Mondoiꞌeomu bhahaa mohoꞌuomu ne kampohoꞌuꞌaku?” Ambado, “Tamondoiꞌe.”

Markus 14:29

Ambano Petrus, “Mahingga kosasawindo ini naohungga kaparasaeandoa sampe dahumunsako, tamaka o idi paise.”

Markus 14:31

Sedhuluꞌa dua kakampuu-mpuuno lalono Petrus nopugau, “Mahingga amate bhe hintu, pae sepaliꞌa agumagaa.” Anaguhuꞌino sigaoꞌano sanea dua dopugau peda naꞌa.

Lukas 22:34

Tamaka ambano Yesus, “Petrus, amohatoko. Alo aini dua paeꞌo nakumakuhua manu, natolu pakumo gumaga putae miina mandeꞌa kanau.”

Lukas 22:57

Tamaka Petrus nogaga ambano, “Alee hobhine, ingka miina amandeꞌaanea mie amaitu.”

Yohanes 13:38

Notobhoosimo Yesus, “Hintu momate kanau? Kotu-kotuꞌu amohatoko, paeꞌo nakumakuhua manu, natolu pakumo gumaga miina mandeꞌa kanau.”

Tula-tulando rasulu 21:13

Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”