Lukas 2:9 - Muna Southern Dialect

⁹ Tambaꞌomo seemie malaꞌekatino Ompu neehe-ehe ne owando maka tilangano kakalabhiano Ompu tanohehamo nokaputida sampe doteꞌi sepaliꞌa.

Lukas 2:9 Iomraidhean Croise

Matius 1:20

Gahaꞌa tangasano notimba-timbangi patudhuno maitu, malaꞌekatino Ompu nofotiwohamo wutono weo nifi. Ambano malaꞌekati maitu, “Yusuf, sampuꞌano Daud, koe moteꞌia mala Maria so mieno lambumu, kapaꞌamo anaꞌi newoowano itu nomaiꞌao ne Rohino Lahataꞌala.

Lukas 1:28

Sapesuano weo lambuno Maria, malaꞌeakati nofeabhamo ambano, “Megau ae itua, hintu tibarakatino, Ompu nopobhaiangko.”

Lukas 2:8

Alo anaꞌa nandoo dhagaꞌino dhumba dodhagani kadadindo we pada ne owano liwu anaꞌa.

Lukas 24:4

Tangasano detongo-tongoꞌao kadhadhia amaitu, tambaꞌomo nandoo mie dohodua deehe-ehe ne owando, pakeando nokosilo.

Yohanes 12:41

Yesaya nopugau peda ini mbaꞌinomo nowohae kakalabhiano Yesus bhe padamo dua nokowambaane.

Tula-tulando rasulu 12:7

Tambaꞌomo seemie malaꞌekatino Ompu neehe-ehe ne owano Petrus, tilangano tanohehamo weo boloku aitu. Malaꞌekati naꞌa notofa-tofa oweano Petrus bhe nofowanue. Ambano, “Wanumo fekahimba!” Gahaꞌa hante ne limano Petrus tanosihundumo.

Tula-tulando rasulu 27:23

Kapugauꞌaku peda aini, mbaꞌinomo mohondo nomaiꞌi kanau malaꞌekatino Lahataꞌala nesombaiku, Lahataꞌalamo ini kohaku kanau. Malaꞌekati naꞌa neehe-ehe ne sohihiku maka nopugau ambano,

Tula-tulando rasulu 5:19

Tamaka hato nohondo oleo, seemie malaꞌekatino Ompu nolengkasi fointono katohongku naꞌa maka nowowoꞌoda we simbali.

2 Korintus 3:18

Ampa aitu kosasawintoomu ini sanea tapa mekantutuno, ulantoomu miina natidapohia, tapedamo paeasa motiwohano kakalabhiano Ompu. Kanandooꞌanomo intaodiomu dotibhaliiꞌomu dhulu kapototo bhe ulano Wutono, dhulu kaompona dhulu kakalabhia. Kakalabhia amaitu ingka nomaiꞌao ne Ompu, Rohinomo Lahataꞌala.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Ibrani 12:21

Newohando miendo Israel maitu nobhibhiisa bhe notimoteꞌi sepaliꞌa sampe anabii Musa nopugau ambano, “Nogugu kanau kaꞌosano kateꞌiku!”

Powoha 18:1

Pada amaitu awohamo dua malaꞌekati sigaoꞌano nosampu nomaiꞌao te surugaa. Anoa nobhala sepaliꞌa kuasano, dhunia tanentaleamo hampano kakalabhiano.

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.