Lukas 2:49 - Muna Southern Dialect

⁴⁹ Tamaka Yesus tanotobhoosida ambano, “Noafa gahaꞌa ondofi kanauꞌomu? Miina mandeꞌaaneomua gahaꞌa Idi ini tabeano aeate weo lambuno Amaku?”

Lukas 2:49 Iomraidhean Croise

Matius 21:12

Pada anaꞌa Yesus nopesuamo weo kadeteno Lambuno Lahataꞌala, maka nogihasi sabhaha mie podaoano ne itu. Medhando mebhase-bhaseno dhoi bhe bhangko-bhangkondo mahaasono dhaadhaha nobhansualeda.

Lukas 2:48

Sadowohae kamungkulano tadotonto, maka nopugau inano ambano, “Noafa kaꞌasi habu kainsami peda itu, anaku? Amamu bhe idi sakenda handa mani taꞌondofiko.”

Yohanes 4:34

Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

Yohanes 5:17

Tamaka Yesus tanopugau ambano, “Amaku nokahadhaa kansuhu taꞌampamo aitu, dadiꞌanomo Idi akahadhaa dua.”

Yohanes 5:36

Tamaka Idi bhe kasakusiiku noliuꞌe nesakusiiꞌaono Yohanes. Nepulaoꞌaoku sabhaha kahadhaa nehabuku; kahadhaa naꞌa nofotaka kanaꞌe Amaku so ahumabu. Kahadhaamo amaitu nembalimo kasakusiiku, nembalimo dua bukutiino Idi ini notudu kanau Amaku.

Yohanes 6:38

Kapaꞌamo kasampuꞌaku amaiꞌao te surugaa paise ahumabu kapoindaloku Wutoku, tamaka ahumabu kapoindalono Tumudu kanau.

Yohanes 8:29

Anoa tumudu kanau sadhia nopobhai kanau. Anoa miina nakumataho kanau amoisa, hampano sadhia akahadhaa posahataano bhe kapoindalono.”

Yohanes 9:4

Tinangke nandoo ole-oleo, tetewei dadhumalangiomu kahadhaano Tumudu kanau. Kapaꞌamo naohondo kaowu oleo, ingka bhe naseemie paemo bhe so moolino kumahadhaanoa.