Lukas 2:14 - Muna Southern Dialect

¹⁴ “Nokalabhia mpuu Lahataꞌala te wawono wawo, katohopo mpuu we dhunia, so manusia posahasiꞌano lalo bhe Lahataꞌala.”

Lukas 2:14 Iomraidhean Croise

Matius 21:9

Mie bhahi maꞌinduluno bhe mangkano kundo doꞌia-iaꞌe ambado, “Hosana, sampuꞌano Daud! Notibarakati humatono weo neano Ompu. Hosana, pudhi kaitaomu Ompu Lahataꞌala te wawono wawo!”

Lukas 1:79

naꞌumulawi mie dumadino weo kahohondo bhe mewisekino mate. Anoamo so tumonda kaita ne kaangkaꞌa humopeꞌano ne katohopono dadi.”

Lukas 19:38

Ambado, “Nobarakati omputo maino weo neano Ompu, katohopo te surugaa, kakalabhiano Lahataꞌala te wawono wawo.”

Lukas 2:13

Tambaꞌomo notiwoha dua setagua bhalano malaꞌekati sigaoꞌano dolibu-libu malaꞌekati saꞌituini. Andoa dopudhi Lahataꞌala ambado,

Lukas 2:15

Dokundo kaowu malaꞌekati naꞌa dosuli te surugaa, dhagaꞌino dhumba amaitu dopugaumo sapada-pada andoa ambado, “Dokalaanaomu we Betlehem doꞌondoꞌaoꞌomu kumadhadhiaꞌano ne watu peda nefohatoꞌaono Ompu saꞌituini.”

Lukas 3:22

maka Rohino Lahataꞌala nosampu te wawono nokatu futeꞌo. Tanotifetingkemo dua suaha nomaiꞌao te lani, ambano “Hintumo Anaku timoasiꞌaono, Hintumo posahasiꞌaono laloku.”

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Yohanes 17:4

Idi padamo afotiwoha kakalabhiamu we dhunia, hampano padamo adhalangi kahadhaa netuduꞌaomu ne Idi.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Roma 5:1

Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.

Efesus 1:6

Nopantasimo mpuu damekakalabhia Lahataꞌala, kapaꞌamo nofotohaiꞌao kanini kaasino noangka ne Anano kamoasiꞌaono.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Efesus 2:4

Tamaka kapontalabhi-labhino maka rahamatino Lahataꞌala! Hampano kabhalano kanini kaasino ne intaodiomu,

Efesus 2:7

Patudhuno Lahataꞌala neanomo ne dhamani te wise namotiwoha kabhalano kataano lalono ne intaodiomu ini. Kataano lalono bhe kanini kaasino nofosampue ne intaodiomu noangka ne Kristus Yesus.

Filipi 2:11

Kosasawindo naꞌa daꞌumakui putae Yesus Kristus maitu o Ompu, somo kakalabhiano Lahataꞌala Amantoomu.

Filipi 2:13

Kapaꞌamo wutono Lahataꞌala kumahadhaano weo totono lalomiu, sampe undaomu bhe poolieꞌomu dhalangiomu patudhu metaano Lahataꞌala.

Kolose 1:20

Patudhuno Lahataꞌala, noangka ne Anano ini, sabhaha ndumandoono te surugaa bhe we dhunia napometaaꞌanda bhe Wutono. Tuhuno heano Kristus te sau salipu meowanomo pometaaꞌa naꞌa.

2 Tesalonika 2:16

Sio-siomo wutono Ompuntoomu Yesus Kristus bhe Lahataꞌala Amantoomu nalumawesi bhe namekatangka lalomiu, neanomo so nehabumiu bhe so nepugauꞌaomiu sanea metaaꞌano. Kapaꞌamo Lahataꞌala nofomoasiꞌao; weo kataano lalo nofowaꞌao kaposahunaꞌao metaa bhe kalawesino lalo suhue dhamani.

Powoha 5:13

Afetingkemo dua kosasawindo mahaluku te surugaa, we dhunia, we pandano dhunia bhe we teꞌi, tangkanomo sabhaha ndumandooꞌano weo alamu bhalano ini, delagu ambado, “Sabhaha kapudhi, kafosibhala, kakalabhia bhe kuasa ampa suhue dhamani so Mengkohano ne kaengkohaꞌa kumalabhiano bhe so Anano Dhumba!”