Lukas 18:7 - Muna Southern Dialect

⁷ Bhahaa Lahataꞌala pae napotunduꞌao umati tipilino metondalano ne Anoa mentae mohondo? Bhahaa Lahataꞌala naefodhulu-dhulu tempo maka natumulumida?

Lukas 18:7 Iomraidhean Croise

Matius 24:22

Ane ibahano Ompu pae nakumuhangi tempono, kotika dumadino pae bhe so sumalamatino. Tamaka mbaꞌinomo nandoo umati tipilino, Ompu nakumuhangi tempono.

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 7:11

Sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao metaaꞌano ne mie mesalono.”

Lukas 11:13

Dadiꞌanomo sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao Rohino ne laꞌae maka dua mesaloiꞌe.”

Lukas 2:37

Ampa aini nobhihinandamo, umuhuno alu fulu fato taꞌumo. Anoa ini miina nagumaati Lambuno Lahataꞌala, mentae mohondo nosombai Lahataꞌala, sadhia nopoasa bhe nosambahea.

Lukas 21:28

Ane mohaomu kaowu kafetompunaꞌino kadhadhia amaitu, eheomu, fowanu fotumiu kapaꞌamo nomaꞌomo tempono damosalamatikoomu.”

Roma 8:33

Nandoo bhahaa so mobhieꞌaono mie nepilino Lahataꞌala? Ingka miina, kapaꞌamo wutono Lahataꞌala padamo nofotahima peda mie banara.

Kolose 3:12

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

1 Tesalonika 3:10

Mentae mohondo tampuu-mpuunie sepaliꞌa taesalo ne Lahataꞌala, neanomo naembali toha dapoꞌawa-awaomu, tamokapoangkoomu nemokaeꞌaomiu weo kaparasaeamiu.

2 Tesalonika 1:6

Lahataꞌala noꞌadhili mpuu, mie modee-deekoomu nabhoosianda dua kakadee-dee.

1 Timotius 5:5

Bhihinanda dumadino weo kakae samoi-moisano, mpahinomo Lahataꞌala neposahunaꞌaonoa. Mentae mohondo nokampuu-mpuu nosambahea bhe nekatondala.

2 Timotius 1:3

Notumpu laloku ne Lahataꞌala nefeompuniꞌiku maiꞌao weo totono lalo mongkilo kumatanga-tangano, pedamo dua nehabundo awuaꞌiku endefiꞌini. Mentae mohondo taenomo asambahea, sadhia dua afeꞌulaiko.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

Titus 1:1

Titus anaku, suha aini nomaiꞌao ne idi Paulus, palima-limano Lahataꞌala bhe rasuluno Yesus Kristus. Idi ini dopili bhe dotudu kanau amekamatangka kaparasaeando mie nepilino Lahataꞌala, bhe tetewei dua atumulumida dalumosangi kafoinaꞌu banara posahataano bhe kafoinaꞌuno agamantoomu.

1 Petrus 1:1

Suha aini nomaiꞌao ne Petrus, rasuluno Yesus Kristus, so bhahitieꞌiku umati nepilino Lahataꞌala, meateno te kadieno Pontus, Galatia, Kapadokia, Asia bhe Bitinia. Hintimiu dadiomu kanggetu mie humampe ne dhunia ini.

2 Petrus 3:9

Ompu miina naepoluntu-luntua namekakoꞌula dhandino, mahingga nandoo mie kofekihino peda naꞌa. Tamaka nosabahakikoomu, kapaꞌamo nokiido bhe so binasano, gaono kosasawindo manusia dametompaꞌao dhosando bhe dadumoli ne Anoa.

Powoha 18:20

Hintu surugaa, fowula lalomu hampano kahansuruꞌano kota aitu! Fowula dua lalomiu, hintimiu umati mongkilo, rasu-rasulu bhe ana-anabii! Kapaꞌamo Lahataꞌala padamo nowaꞌane kahukumuno mbali kabhoosino sabhaha nehabuno kota amaitu ne hintimiu.”

Powoha 6:10

Andoa maitu dokei dofekahaa-haaꞌi ambado, “Hintu kafeompuꞌa mongkilono bhe banarano, tana seꞌae bhahaa kaomponano maka bhitahaki bhe bhoosiꞌao hea mani ne mie meateno we dhunia?”

Powoha 7:15

Dadiꞌanomo deehe-ehemo ne wiseno kaengkohaꞌa kumalabhiano Lahataꞌala bhe dofeompu ne Anoa mentae mohondo weo Lambuno Lahataꞌala. Mengkohano te kaengkohaꞌa kumalabhiano naꞌa napobhaianda bhe nakumaolumida.