Lukas 18:14 - Muna Southern Dialect

¹⁴ Amohatokoomu, mie mealano sewa ini nosuli se lambuno nembalimo mie banara ne wiseno Lahataꞌala, tamaka seemieno miina. Kapaꞌamo sasuka mekalangkeno wutono namekapandae Ompu, sasuka mekapandano wutono namekalangkee.”

Lukas 18:14 Iomraidhean Croise

Matius 23:12

Kotika mekalangkeno wutono namekapandae Ompu, kotika mekapandano wutono namekalangkee.

Matius 5:3

“Dokodawua mpuu mie ngkumaasi-asino masandeno ne Ompu, kapaꞌamo andoamo so mehapino Kafopahintaꞌano Lahataꞌala.

Lukas 1:52

Kabhala kokuasano nofosampuda maiꞌao te kaengkohaꞌando, tamaka mie mepandano kaengkohaꞌa nofofonida.

Lukas 10:29

Tamaka mie aitu noꞌondofi kakantibhano wutono, ambano, “Laꞌae bhahaa mie bhaiku?”

Lukas 14:11

Kapaꞌamo sasuka mekalangkeno wutono namekapandae Ompu, sasuka mekapandano wutono namekalangkee.”

Lukas 16:15

Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala.

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Roma 4:5

Tamaka ane bhe mie tapa kumahadhaano, ampamo kaowu noparasaea ne Lahataꞌala tumahimano mie modai peda mie banara, maka mie anaꞌa notahimae Lahataꞌala peda mie banara hampano kaparasaeano.

Roma 5:1

Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.

Roma 8:33

Nandoo bhahaa so mobhieꞌaono mie nepilino Lahataꞌala? Ingka miina, kapaꞌamo wutono Lahataꞌala padamo nofotahima peda mie banara.

Galatia 2:16

Mahinggamo peda anaꞌa, tapandeꞌaanemo o manusia notahimae Lahataꞌala peda mie banara mpahinomo hampano noparasaea ne Yesus Kristus, suano mbaꞌinomo nodhalangi tubhono agama Yahudi. Dadiꞌanomo insaodi dua taparasaeamo ne Yesus Kristus, neanomo weo kaparasaea mani maitu naembali natumahima kainsami Lahataꞌala peda mie banara, suano mbaꞌinomo taangkafi tubhono agama. Kapaꞌamo bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi.

Yakobus 4:10

Fekapanda wutomu ne wiseno Ompu maka namekalangkeko.

Yakobus 4:6

Ampamo kaowu rahamatino Lahataꞌala ne intaodiomu nofofoliu. Kapaꞌamo notibuhi dua weo Kitabi, “Lahataꞌala noꞌontomi patudhundo mie melangkeno diu, tamaka nofotiwohaanda rahamatino ne mie mekapandano wutono.”