Lukas 18:13 - Muna Southern Dialect

¹³ Tamaka mealano sewa naꞌa neehe-ehe se mokodoꞌoꞌano, bhe miina naokadoa natumotohana. Anoa tanotofa-tofa mbadhano kaꞌosano sosono bhe nopugau, ‘O Lahataꞌala, mobhela kanau lalo, idi mie kodhosano ini.’

Lukas 18:13 Iomraidhean Croise

Matius 10:3

Maka Filipus bhe Bartolomeus, Tomas bhe Matius mealano sewa, Yakobus anano Alfeus bhe Tadeus.

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Matius 9:13

Dadiꞌanomo kalamoomu, maꞌanakiomu wambano Kitabi aini, ⸤ Ambano Lahataꞌala⸥ ‘Kapoindaloku dopomobhela-bhelaꞌao lalo, suano kapopanga’, kapaꞌamo kahatoꞌaku miina aeꞌondofi mie mongkilo, tamaka mie kodhosa.”

Markus 11:25

Tamaka taenomo sumambahea, ane nokohobu-hobu totono lalomu ne mie bhaimu, maꞌafuane kadeki, neanomo Amamu te surugaa naꞌumamponiko dua.

Lukas 17:12

Wakutuu nopesua ne seꞌonu liwu, dosumpuiꞌemo kokuli modaino doompulu. Andoa ini deehe-ehe se mokodoꞌoꞌano

Lukas 22:41

Palusi aitu nofogaati wutono nape sekakulambiꞌa kakodoꞌono, nofongkohamo tuuno maka nosambahea.

Lukas 23:48

Dobhahi mie sihompuno ne itu doꞌondo-ondo kumadhadhiaꞌano. Dowohae kaowu peda anaꞌa, kosasawindo dosulimo bhe dotofa mbadhando kaꞌosano sosondo.

Lukas 5:8

Nowoha kadhadhia aitu, Simon Petrus nolongko nosudhu ne wiseno Yesus bhe nopugau ambano, “Ompu, hunsa kanau kapaꞌamo idi ini mie kodhosa.”

Tula-tulando rasulu 2:37

Dofetingke peda naꞌa nosabhamo handado maka dofeenamo Petrus bhe rasulu sigaoꞌano ambado, “Bhahitieꞌi, kaowua taeafaꞌimo bhahaa insaodi ini?”

Roma 5:8

Tamaka Lahataꞌala nofotiwohamo kanini kaasino ne intaodiomu peda aini: Kristus nomate so intaodiomu wakutuuno nandoo dokodhosaomu.

2 Korintus 7:11

Ondoomu itu, neowaangkoomu ae bhahaa kakompeahano lalo poangkafiꞌano bhe kapoindalono Lahataꞌala? Ingka kakampuu-mpuuno lalo, nembalimo dua potunduꞌao wutomiu, mohakuemoomu o dhosa, moteꞌimoomu ne Lahataꞌala, nokambamo lalomiu moha kanauꞌomu, nokaꞌende-endemo totono lalomiu, undamoomu mebhotusiomu kokaꞌalano. Ne kosasawiꞌae ini ingka fotiwohaemoomu miina kokaꞌalaomu.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

Ibrani 4:16

Dadiꞌanomo ⸤ weo sambaheantoomu⸥ fekakado kaitaomu damaꞌotiomu kaengkohaꞌano Lahataꞌala kumalabhiano fowaꞌaono rahamati, neanomo daeꞌawa rahamati bhe daetahima kabarakati sampe natumulumi kaita ne wakutuuno dofaraluuꞌe.

Ibrani 8:12

Sabhaha podiu modaindo aꞌumamponie, sabhaha dhosando paemo ameꞌu-meꞌulaiꞌea.”